《造星IV》大熱Day發長文控訴節目不公「 A2得番我一個」：sorry講得太直白 精選

《全民造星IV》20強已經誕生，大熱參賽者Day早前於分組賽表演中失誤，唱rap時忘詞導致整段solo甩嘴，令隊伍評分大跌排尾二，同隊成員Kinki和馬欣被淘汰，另一組的方方、子涓和阿蛋也同樣出局，未能踏上決賽舞台。

日前（17日）Day在Instagram發布長文，控訴比賽中「經歷過好多唔公平」。Day雖然有幸打入20強參加決賽，但她認為節目中許多有實力又有魅力的參賽者一一被淘汰，表示「有時我係唔好彩果個，有時係好彩果個，絕對唔係因為自己好彩而僥倖」。

她指：「由96強開始見到有實力又有魅力嘅朋友都入唔到，我就已經覺得真係好唔公平，去到A2真係每日大家一齊練，我地知道我地實力真係唔夠，就好白癡好驚輸咁每日10點練到2、3點，蛋、yo、tania仲要一路要翻學上堂，一齊努力但唔可以一齊入嘅感覺真係好差好差。」

Day特別為一同演出《黑天鵝》的隊友感到惋惜：「馬欣係我比賽之前已經鍾意嘅跳舞老師，kinki係一個有實力又識創作嘅人，我同大家都一樣唔明點解係foul咁好嘅佢地唔係foul我。點解foul進步得咁多嘅蛋。」

她特別點名提到在《造星》中遇到蛋「係我係造星最開心嘅事」，回想一眼就看出Day欠缺自信而一直在身邊支持和鼓勵她的蛋，Day表示「慣左（咗）唔開心就攬住佢」，最深刻就是「兩個都忍緊眼淚，跟住對望左（咗）一陣就一齊爆喊，跟住喊喊下就會一齊笑跟住講『你唔好再喊啦你喊我就會喊』！」
可惜，阿蛋最終25強止步，未能如願和Day一起走到決賽舞台，Day表示當初的A2組只剩下她一人，表示「我會帶埋6人份嘅力量上台，感謝所有人，真係好多人愛我，雖然唔係好知點解你地鍾意我，但我會盡力唔令你地失望同有繼續鍾意我嘅理由」。