笑憶參加《造星》因「唔使報名費」 姜濤望29歲買樓退休移民增肥 談如何達成夢想：當你渴望成功跟渴望呼吸一樣 精選 推薦

姜濤近日接受美國華語節目《偶像名人堂》訪問，與主持人以視訊形式談及入行前後的大小事和姜濤內心的想法，訪談形式輕鬆，過程彷彿與姜濤視像談心，姜濤也敞開心扉說出許多偶像面具背後他不為人知的心事。

訪談中，主持人先問到姜濤為何會參加《全民造星》，姜濤就指事情其實「好搞笑」，因為當時19歲有明星夢的自己還是個學生，沒有太多錢，但參加比賽很多時候要交$100至$150報名費，後來上網看到參加《全民造星》無須交錢，於是就成為了《造星》的第99號參賽者，更在這個舞台上奪冠變成MIRROR人氣王姜濤。
被問及家人對自己入行娛樂圈有甚麼想法，姜濤指父母沒有特別支持，但也沒有反對。他指，「我由細到大讀書成績都唔係好好，但佢哋（父母）都唔覺得讀書一定要好叻，尤其是我阿媽，佢話你唔讀書，可能你其他嘢叻呢。佢哋由得我去做我想做嘅嘢，而佢哋可以支持到嘅，佢哋都一定會支持。」正因父母適度的溫柔和體諒，姜濤感恩認為，家長不要忽略自己小孩的聲音，因為他們如果有想做的事，只要你給予他們少少支持，他們或許真的能做到。

而要說自己追夢的推動力，姜濤表示，推動力來自「你有幾想」，他續說：「好多人話我想去做啲乜嘢我大個想做啲乜嘢，但佢哋冇去做，原因係佢哋唔夠想去做。」姜濤私下原來會看勵志片鼓勵自己，他笑言：「好似好白癡，因為我冇乜朋友，所以惟有自己鼓勵自己。我好鍾意一句說話，『當你渴望成功跟渴望呼吸一樣時，你就會成功』。嗰條片係將個人個頭撳落水，呢個時候你乜都唔會諗，你只會諗點呼吸。我覺得你要有呢個渴望，先會做到你想做嘅事。」

其後，主持人稱讚MIRROR改變了香港娛圈生態，影響了很多年輕人，姜濤就謙虛指：「單單喺香港，犀利過我哋嘅人有好多好多。我覺得我哋成功，除咗係自身努力，其實一部份係來自大眾。好好彩地而家嘅時代嘅大眾接受我哋，幫咗我哋好多。」

最後談到將來的目標，姜濤表示2022年的願望是早日買樓。他希望30歲前儲到錢買樓，一層住一層收租，拍一個大製作MV，然後退休和增肥，他指「一世瘦好痛苦。」他還說，增肥前先要交個女朋友，給她看自己從前的米芝蓮照，稱這是他幾年後的樣子，接受到就過關。」
被問到擇偶條件，姜濤年紀小小就有很成熟的戀愛觀：「可能一年前你問我呢個問題，我會話一定要長頭髮，要肥肥哋，或者點樣。但而家嘅我嚟講，冇乜要定個乜嘢標準。」他認為，「自己鍾意嘅人，唔係話佢要（達到）一個咩標準。如果你鍾意一個（達到）自己標準嗰個人，你要問下自己，係咪真係鍾意。如果你係因為呢啲setting而去鍾意一個人，我唔覺得呢個係愛情。我唔會俾自己有任何嘅嘢去框住。」聽畢這段發言，不知道大家能幻想到30歲後在外國拖著愛人過著退休生活的米芝蓮姜濤會是怎樣的嗎？看起來一定非常幸福呢！