林二汶開直播回應現身TVB台慶爭議 重申自己的「信仰」︰音樂應該懂得海納百川 精選

ViuTV常客林二汶早前現身無綫（TVB）《萬千星輝賀台慶》引來大批網民不滿，不少人湧入其Instagram留言大表「失望」，指她「食兩家茶禮」、「居然走去人人喊打嘅隔離台賀壽」、「最後冇信仰」等等。

二汶日前（21日）在Facebook開直播直接回應事件（文末已附上直播連結），她表示︰「其實我做咗20年音樂，我一直都好相信音樂係應該無分國界，無分任何邊界，因為音樂本來係用嚟溝通，唔係用嚟孤立。我哋其實一直都追求緊百花齊放，唔係咩？」

二汶又提到自己今年開設了音樂教室，想傳遞一個訊息，就是「音樂無分邊界，（做音樂）應該一心只為音樂發展。」。她指，「如果我去分得咁清，分得清清楚楚，咁我教出嚟嘅學生，咪會墨守成規、故步自封？我哋做音樂嘅人，我希望我嘅學生明白一個信息，音樂係應該懂得海納百川，而呢個就係我嘅信仰。」。看畢回應，不知道大家又認同二汶對音樂的「信仰」嗎？
按此觀看林二汶直播回應（由 2:49 - 4:18）