電影《梅艷芳》首映禮 古天樂難忘梅姐紅館嫁舞台一幕：明知佢唔得仍撐上去 拍嗰時已經喊 精選

昨日（9日）九展Star Hall舉行電影《梅艷芳》首映暨音樂會，在戲中扮演劉培基 Eddie的古天樂有份出席活動。接受傳媒訪問時古天樂表示：「套戲其實拍咗好耐，終於都上，第一次睇見到呈現返7、80年代嘅香港，個感覺係好神奇」，又指「而家2000年後係唔知咩係荔園、先施、妙麗，佢哋去做資料搜集時都幾有趣，佢哋都話好難搵到個場，終於團隊克服晒所有困難，呈現返當時」。

被問到對梅姐的印象，古天樂表示入行後雖然沒有跟梅姐合作過，只是見過一、兩次面，但知道她是一個不會放棄、很有義氣的人，同時很願意提攜後輩。

提到電影內容，古天樂提到，最難忘的就是梅姐穿上婚紗，在紅館嫁給舞台的一幕，「拍喺後台送佢上去嗰幕，個感覺好難形容，明知佢係唔得，仍然死撐上去，我好佩服佢，拍嗰時已經喊，使乜到睇片先喊」。
古天樂回想片場趣事，說起有一次夜晚拍攝被王丹妮嚇親，「佢着咗件紅色旗袍，由轉角位行出嚟，夜媽媽又冇乜打燈，我俾佢嚇到打個突，好似（梅姐），似得好緊要」。

古天樂更表示，從前就有聽梅姐的歌，自己最記得《壞女孩》，而自己爸爸現在還會聽《似水流年》。