馬天佑演唱會自爆10年前欠自信整容 現「清拆」下巴鼻子「純天然、零添加」：I just want it off ！ 精選

時裝指導兼歌手馬天佑前晚（5日）舉辦演唱會《Reinvention馬天佑衫。重奏》，作為入行首個演唱會，馬天佑邀來重量級好友嘉賓陳慧珊、關心妍、何嘉莉、張新悅、趙頌茹及谷祖琳等人一同獻唱80、90後愛聽的經典廣東話歌。

馬天佑除了穿上多套華麗服飾，還大膽脫衣熱舞，台上自信十足的他，卻分享起自己童年被欺凌的經歷，回憶起兒時被朋友用皮帶鞭打之事。

演唱會中播出馬天佑一條自白黑白短片，片中的他自爆自己因欠缺自信而整容：「10年前做咗下巴同鼻整容手術，希望得到別人認同，但我3年前終於頂唔順，唔想再見到無自信嘅自己，決定去醫院做清拆整容手術。」

馬天佑覺得整容是他人生中做過最沒自信的事，曾以為這樣就能被世界認同。然而，整容後的他更痛苦，指「一望到自己，就會提醒返嗰個好無自信嘅我」。

他表示，3年前決定到養和醫院做清拆手術，醫生跟他表明清拆手術好難，叫他考慮清楚。而馬天佑很堅決地說：「I just want it off ！因為我覺得而家嘅我，係有足夠嘅自信，唔需要為咗個世界去證明任何事情。」。
馬天佑在接受show後訪問時，自稱現在的自己「純天然、零添加」，很享受現在，並說：「好唔好睇唔重要，有勇氣企出嚟表演，就是一個好好證明自己方式。」。