電影《梅艷芳》阿Dee得一句對白戲份 角色雖小但仍演活港人心中的大排檔伙記 精選

自傳式電影《梅艷芳》將於下月中上映，電影花絮片段陸續曝光，除了有主演梅艷芳的王丹和飾演梅愛芳的廖子妤，原來ERROR的阿Dee（何啟華）也有份演出！

電影其中一幕講述梅艷芳和家姐梅愛芳光顧大排檔一邊吃飯邊一邊喝啤酒促膝長談，一位大排檔伙記走來，想為大排檔太子爺作媒，撮合太子爺和梅愛芳。而呢位捲起衣袖，耳仔夾一筆，一副經典貼地80年代造型的伙記，就是阿Dee！

阿Dee當時剛參加完《全民造星》，ERROR還未hit起，還在演藝圈中剛起步的他參加面試爭取這個上大銀幕的機會。雖然只是小小閒角，但阿Dee仍用心去演，除了造型用心，戲中動作姿態和表情都經他細心研究。只是一句對白︰「事頭請㗎，係咪好企理呢！」，阿Dee還是到位地演活了香港人心目中的經典大排檔伙記。
阿Dee在花絮片中分享道︰「當時好開心，同我而家嘅心態一樣，有得拍戲已經好開心，即使只得一句對白，我都不斷問導演，係咪想我似返嗰個年代，嗰啲人講嘢嘅口脗，語氣？咁導演都好好，佢話︰『你可以試下俾我。』，所以我嘅演繹，我諗返有少少搞笑，我諗佢搵我演，都係想我做一個抖氣位，搞笑係合理。」
昔日籍籍無名、未知前途的阿Dee如此認真看待每一個演出機會，無論舞台是大是小，觀眾是多是少，態度從來不變，真是值得敬佩，相信大家都很期待阿Dee、ERROR和MIRROR成員們日後更輝煌閃耀的表現和成就。