七仙羽現身少爺占棟篤笑show狂爆金句 被問做MIRROR演唱會嘉賓：怕一粒老鼠屎整臭一鍋粥

昨晚（21日）少爺占在灣仔修頓場館舉行首場棟篤笑《朱豔強自己一條Show》，嘉賓方面請來Ansonbean（陳毅燊）、Ben（趙祥誠）、Jeffrey（魏浚笙）以及風水師七仙羽（七師傅）一同登台落力演出，幾位重量級嘉賓幫手炒熱氣氛，七師傅的出現也令全場笑聲不斷。

少爺占在演出後接受訪問表示，因疫情關係已一年多沒開show，本以為會很緊張，但幸好現場氣氛熱烈。少爺占表示：「我成個騷都好滿意，因為我覺得好順利咁將99.9%我想講嘅嘢、唱嘅嘢全部都做晒，又冇乜甩漏，真係謝天謝地。」少爺占感到很滿足，因為自己被觀眾的笑聲餵飽了。

嘉賓中表現矚目的七師傅當晚穿著一身鮮豔奪目的高叉紅色旗袍登場，一度爆出「YIMYIM一息」、「好淫邪」、「師父愛你」等金句，令觀眾笑得拍爛手掌！

七師傅表示自己在台上的表演全是爆肚發揮，笑言：「我每一次拍節目想做啲咩，之前都冇諗，全部都係自由發揮，因為我試過諗太多而好緊張，反而乜都唔好諗輕輕鬆鬆會冇壓力。」
被問到會否受邀到演唱會擔任嘉賓，七師傅指：「暫時冇，我都好驚啊，萬一請我都唔知點算，唱又唔係，跳又唔得！」不少觀眾都知道，七師傅與MIRROR及ERROR關係親近，但她本人卻說：「有句俗語叫『一粒老鼠屎整臭一鍋粥』，人哋MIRROR ERROR唱歌咁好聽，我去到咪整壞人哋演唱會嘅氣氛，啲粉絲一定鬧我，去到盞搞！」
不過，相信不少粉絲都樂於看到七師傅與他們合作，相信他們之間的化學反應，必定能讓觀眾笑出新境界。