Tyson Yoshi曾花近7位數邀《咒術迴戰》監督合作 望請三上悠亞做MV女主:首歌由變態佬角度出發

深夜清酒梳打 於 09/01/2022 發表 收藏文章
本地人氣獨立歌手Tyson Yoshi(程浚彥)日前受澳門YouTuber加蔥(林茂發)訪問,於其頻道節目《今日R.I.P》暢談近期創作動向,加蔥還替網民問Tyson Yoshi如果要從Pokémon和日本AV女優三上悠亞中殘酷二選一會選哪樣,Tyson Yoshi會如何選擇?

Tyson Yoshi兩個月前推出新歌《That Guy》MV,當中涉及大量動漫元素,如《火影忍者》、《數碼暴龍》等,全都是Tyson Yoshi喜歡的作品。為了向觀眾呈現高質量創作,MV加入許多CG效果,Tyson Yoshi透露,這次MV他豪花近7位數金錢,邀來日本超人氣動漫《咒術迴戰》其中兩位監督合作。Tyson Yoshi指,曾有前輩聽到預算後跟他說:「你傻㗎?香港冇人咁做㗎喎!」但Tyson Yoshi就認為:「擺得上網就唔係淨係畀香港人睇,係同全世界比緊,所以有能力嘅時候,點解唔去做好佢呢。」
loading

認識Tyson Yoshi的人都知道,他很喜歡Pokémon,亦是三上悠亞fans,加蔥替網民問Tyson,若要從Pokémon和三上悠亞中二選一,他會選誰。Tyson Yoshi毫不猶豫回答︰「我梗係揀Pokémon,因為Pokémon呢個IP無可代替,但老實講三上悠亞係有其他女神可以取代。」加蔥再問:「但Pokémon現實唔存在喎?」Tyson回答:「所以呢樣嘢先更加可貴,你諗下冇三上悠亞,咁咪要橋本有菜囉!」
▲三上悠亞
▲橋本有菜

說三上悠亞說到興起,加蔥問Tyson以後會否想找三上悠亞客串拍MV,Tyson立即表示「想啊」,並指「其實我已經有首歌已經寫好,個故仔好適合搵三上悠亞拍嘅」,他透露創作靈感來自一名台灣網拍模特兒女友人:「佢有個跟咗佢4年嘅跟蹤狂,佢好困擾,同我講完呢個故仔之後,我返去就即刻寫咗首歌,佢話:『真係㗎?係咪講我有幾困擾?』,我話:『唔係呀,首歌係由個變態(個角度)出發㗎,多謝你俾靈感我!』」

Tyson Yoshi表示這首歌應該將於下年推出,他就想,如果找三上悠亞來拍這首歌的MV,應該很震撼,同時可以「自肥」一下。

圖片來源:YouTube@Nathan Lam加蔥、YouTube@Tyson Yoshi、IG@tysonyoshi、IG@yua_mikami、IG@arina_hashimoto1215

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→