MIRROR演唱會意外 梁思浩點名指責花姐:錢就識袋,有事就完全消失

深夜清酒梳打 於 05/08/2022 發表 收藏文章
MIRROR演唱會於上月28日發生嚴重意外,警方等多個部門正調查事故原因和責任等問題。藝人梁思浩於8月2日在網台節目《大家真瘋Show》時談及事件,表示對傷者和MIRROR 12子感到心痛,更點名批評MIRROR經理人花姐:「有一個人,我覺得成件事係難辭其咎㗎,嗰個就係阿花喇!」

梁思浩、與李思蓓和Mandy一同主持節目,發表大家對MIRROR演唱會事故的看法。梁思浩先是感激意外發生後願意發聲的藝人,他指王貽興、郭富城和汪明荃均是如「英雄」:「有好多人都會避而不談,尤其是圈中人,有時覺得好多圈中人為咗搵食,點解唔談論呢?費事得失人。」
王貽興曾發千字文就意外作出控訴

梁思浩表明,自己也做過演唱會監製,有權對事件發言。他表示:「第一,所有錢銀、所有嘅嘢都係由你控制嘅,即係話個演唱會賣晒飛㗎啦,即係話你已經賺硬咗錢㗎啦,你條數已經返咗嚟,你唔係蝕住做啊嘛,你係賺住做啊嘛,但你賺住做仲喺度慳。」李思蓓亦補充指,做演唱會等於投資在藝人身上,這是一門生意,就算賣不出門票,基於安全,彩排和舞台搭建也要做足。郭富城曾在受訪時表示,自己的團隊會租場地為演唱會練習搭建1:1舞台讓表演人員踩台30日,梁思浩認為MIRROR團隊絕對有資源做同樣的事,團隊卻選擇「慳」。


有指,MIRROR演唱會只得1日時間踩台,連full dress rehersal都未能完成就要on show,梁思浩斥:「呢樣嘢對表演者同埋舞蹈者係好唔合理,好唔合理!」李思蓓續說︰「我哋喺TVB,台慶都會咁rehearsal啦,我哋《歡樂滿東華》都會咁樣rehearsal啦!」

梁思浩又指:「喺呢個危難中,有人會選擇沉默,或者逃避。甚至我成日都話如果你要做一個監製,你要做一個經理人,你哋搵緊錢㗎嘛,你哋點解唔肯有膊頭企出嚟,你要班細路仔去面對呢?嗰12個細路仔好慘喎。」

他續說︰「你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」他再將矛頭指向花姐︰「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」他直斥︰「你袋錢嗰時就識袋,到佢哋有事嗰時,你係完全,係完全消失天與地。」

最後梁思浩提出一個問題作總結叫大家思考:「為何幾十年來,都無問題,點解今次會發生呢?個問題喺邊度發生呢?為咗慳錢?有時你以為慳咗$1毫子,但其實你係蝕緊$10。希望大家明白,有啲嘢係唔慳得。」他說道:「凡事去得太盡,緣分會更早就盡... ...」

資料&圖片來源:YouTube@大家真瘋Show、IG@keung_show、IG@ahfa0908

如果喜歡我們的文章,請即分享到︰

標籤: MIRROR演唱會  梁思浩  

留言


請按此登錄後留言。未成為會員? 立即註冊
    快捷鍵:←
    快捷鍵:→