MIRROR官方IG小編po「大家自己留意報導 唔特登post啦」被鏡粉轟:有需要咁X嗎?花姐出面代為道歉

深夜清酒梳打 於 18/01/2022 發表 收藏文章
早前提到,ViuTV《全民造星IV》出身的女團COLLAR出道後,鏡粉疑不滿資源分配不均,在IG上散布多項「鏡粉訴求」及「MIRROR IG小編失職實例」,也開設了專門控訴ViuTV經營MIRROR官方社交平台不善的IG帳號「viu_pls_do_ur_job」。昨日(17日),該IG以「原來做人真係可以無PR」為題,發布MIRROR官方IG admin/小編態度「無禮」的證據。

近日,MIRROR官方IG在收到投訴後勤於更新,態度貌似積極,但昨日,官方小編在MIRROR IG上載MIRROR出席活動的顯示動態時,配了一句caption說道:「大家自己留意報導 唔特登post啦」,有鏡粉DM官方帳號表示「有需要咁閪嗎?好掛住舊年嗰位summer intern」以表不滿。官方帳號小編其後回覆:「Ummm 我唔知你講果(嗰)個字點解,我都唔知你掛住果(嗰)個係邊個」鏡粉就回應:「Wow,建議你睇返舊年6-8月啲story record參考下點樣engage followers」小編就回覆:「建議如果中(鍾)意睇舊嘅資訊,你記得cap低佢隨時回味」。

對話冒出火藥味,鏡粉就直言:「你與其寸我哋,不如攞返啲心機學習做好偶像團體IG account基本資訊分享先啦,MIRROR每一位都好誠懇好努力,你唔好攞住mirror.weare呢個IG handle做臭佢地個名。加油,多謝。」

官方突然「暴走」,一連串回轟:「我們的IG運作,大家有心了。這個世界你想見到的,同真正可以見到的,似乎你都未明白。感謝你作為粉絲的關心和一直嘅支持。記者會的作是對外界發佈資訊,如果你只想在這個page睇到有資訊,那我可以和公司反映一下,mirror不用出席活動,只要在ig上發佈,那應該合你心意。你又想知活動資訊,報導後又想我們把原原本本的報導再報導一次?這就是最合你心意?你們的訴求不是說要關心12子的精神嗎?那如果不再出席活動,所有資訊在此 看到,不是很好?你們的訴求又想見他們出活動,又想要報導,又要他們休息,但又不想他們完全消失,又要他們多時間練習排舞,我們都想跟著大家的所需去做呢。」

此段對話的截圖被公開,花姐也親自出面就事件道歉,在IG發布限時動態指:「小編其實係好想做得更加好,以後會注意多啲表達方式。雖然係咁,佢嘅回應都係唔恰當。小編嘅錯,都係我嘅責任。我代佢同大家道歉。我地會再做好啲歌同IG,令大家可以更了解MIRROR。」

資料&圖片來源:IG@viu_pls_do_ur_job、IG@ahfa0908

留言


請按此登錄後留言。未成為會員? 立即註冊
    快捷鍵:←
    快捷鍵:→