MC張天賦被問有否被公司要求「戒女色」:我大可以扮乖乖仔,但我會覺得唔舒服

深夜清酒梳打 於 05/01/2023 發表 收藏文章
歌手MC 張天賦即將於本月20至22日舉行首個紅館演唱會。出道快滿2年,MC人氣爆登,除了其好歌大受關注,去年他先後與MV女主角Ash(鍾卓穎)和Santis(陳濬樺)逛超市而爆出緋聞,被質疑做第三者拆散夫妻情侶。昨日(4日),MC出席DJ艾力的電台節目接受訪問,談到花邊新聞時,被問到有否被公司要求「戒女色」,MC如此回應... ...

MC表示:「公司冇好特別提及過,公司對我有絕對嘅信任,亦畀我有一定嘅自由。」他坦言:「當初參加節目嘅時候,難聽啲講句,我大可以扮一個好乖嘅乖乖仔,但我會覺得唔舒服,我寧願畀大家見到真實嘅自己。其實出道以嚟我原本覺得同朋友食個飯、出個街係冇問題,但出道呢兩年,我可能太備受關注,我做嘅好多嘢都會被放大咗。甚至視乎決定我有冇做錯嘢嘅嗰把尺,都好因人而異,呢個係一個好難受嘅地方。」
▲已離婚《全民造星4》參賽者Ash

他續說:「我係真係做緊自己,我認為自己係普通人,過緊好普通人嘅生活,但係偏偏佢哋(大眾)就覺得,你做到呢個位就必須要點樣點樣、必須要成為佢心目中諗嘅嗰個人。其實好辛苦㗎喺呢啲地方遊走,佢哋會無形中畀咗道德嘅尺?或者係一啲標準你囉... ...」
▲熊仔頭前女友Santis

MC對此感到無奈:「我都冇辦法同全部人交代,所以好多時只能硬食囉。曾經嘅我覺得可以打破呢個觀念,覺得自己好有型,但慢慢自己就開始隨波逐流,感覺到自己改變,跟隨娛樂圈原有嘅生態同節奏,而我覺得唔係太舒服嘅。」

資料&圖片來源:RTHK、FB@艾力 Eric、IG@mcheung1201

如果喜歡我們的文章,請即分享到︰

標籤: MC 張天賦  張天賦  MC  超市  

留言


請按此登錄後留言。未成為會員? 立即註冊
    快捷鍵:←
    快捷鍵:→