YouTuber陳怡於18日因JPEX案被警方以涉嫌「串謀詐騙」拘捕，她經營的找換店亦遭到搜查。現時，陳怡已獲准保釋，不同「抽水王」林作封口，她連發2條影片講述被羈留的經歷，並發言安慰支持者，指是次事件對她來說「好小兒科」！
2019年香港爆發社運時，陳怡被認定為「藍絲KOL」，她說道：「其實呢，相對起2019年，而家呢件事係屬於好小兒科，點解呢？講白啲，以前我係一個Small Potato，我係一個Nobody，我亦都冇咁樣嘅搵錢能力，冇咁樣嘅成熟度，2019年我覺得我此生已完㗎喇，我會覺得『死啦，我往後就係過街老鼠』，成個香港食黃店呀、抵制啲藍呀... ...我真係冚家富貴嗰隻嚟㗎，2019年先至真正難頂。」
陳怡指自己現時有閱歷又有財力，已經得起風浪：「我覺得人最慘係咩？人最慘係你又冇錢又唔出名呀！因為人最容易被欺負，就係你又冇錢又冇名，嗰個都可以蝦妳！呢個就係我點解唔覺得自己慘。」
她續說：「人比想像中健忘同變得快，冇人會咬住你一世，因為個個淨係關心自己，究竟我開唔開心、我舒唔舒服、我生活富唔富足、我有冇病... ...人只會關心自己凍唔凍，唔會Concern你，所以唔好睇得自己咁大，你話嗰啲人身攻擊我咩年紀呀、樣呀... ...大佬，我係覺得好小事，因為你搞唔到我啲咩。」陳怡想帶出道理：「天下熙攘，皆為利往，本來就是叢林社會，非要裝甚麼文明。」
資料&圖片來源：YouTube@陳怡ChanYee
2019年香港爆發社運時，陳怡被認定為「藍絲KOL」，她說道：「其實呢，相對起2019年，而家呢件事係屬於好小兒科，點解呢？講白啲，以前我係一個Small Potato，我係一個Nobody，我亦都冇咁樣嘅搵錢能力，冇咁樣嘅成熟度，2019年我覺得我此生已完㗎喇，我會覺得『死啦，我往後就係過街老鼠』，成個香港食黃店呀、抵制啲藍呀... ...我真係冚家富貴嗰隻嚟㗎，2019年先至真正難頂。」
陳怡指自己現時有閱歷又有財力，已經得起風浪：「我覺得人最慘係咩？人最慘係你又冇錢又唔出名呀！因為人最容易被欺負，就係你又冇錢又冇名，嗰個都可以蝦妳！呢個就係我點解唔覺得自己慘。」
她續說：「人比想像中健忘同變得快，冇人會咬住你一世，因為個個淨係關心自己，究竟我開唔開心、我舒唔舒服、我生活富唔富足、我有冇病... ...人只會關心自己凍唔凍，唔會Concern你，所以唔好睇得自己咁大，你話嗰啲人身攻擊我咩年紀呀、樣呀... ...大佬，我係覺得好小事，因為你搞唔到我啲咩。」陳怡想帶出道理：「天下熙攘，皆為利往，本來就是叢林社會，非要裝甚麼文明。」
資料&圖片來源：YouTube@陳怡ChanYee
請按此登錄後留言。未成為會員? 立即註冊