J.Arie歷15年終考獲自動波車牌兼甩P 籲大家出街睇路 網民極擔憂:唔係講笑,你不如搭的士喇

深夜清酒梳打 於 29/09/2022 發表 收藏文章
歌手J.Arie(雷深如) 近日在FB興奮宣布「終於攞到正式10年車牌」,自爆花了11年才成功考獲自動波車牌,再花了3年在沒有駕車上路的狀況下甩P,她表示非常感動!

J.Arie寫道:「喺考完車牌但冇揸過車之下,甩P好感動!由18歲考完筆試再考路試,考咗11年,2019終於考到車牌。而家2022年再終於攞到正式10年車牌,經歷咗15年。人生有幾多個15年,好滾動!!!接住落嚟... ...大家出街睇路啦。」

不過,貼文一出立刻引來網友熱議,認為J.Arie沒有駕車天分就不該勉強,擔憂表示:「唔係講笑,你不如搭的士喇」、「通知一聲平時係邊區出沒居多,我盡量唔去嗰邊」、「恆心是重要,但請唔好害人」、「考咗咁耐都肥就好放棄啦,唔好累人累自己,揸車嘅嘢冇天份就係冇天份,今次比你考到係好彩,但揸車唔係講玩,人命尤關,自己考慮清楚好唔好揸車出街吧」等。

見討論熱烈,J.Arie感到驚訝,回應指:「睇嚟大家好關心我成為公路炸彈,討論已經去到我冇揸車天分、考咗幾多次、用咗幾多錢、係咪同一個考官等等... ...其實我而家車又冇樓又冇爛命一條主力做吓歌唱兩咀揾兩餐飯食架咋,所以唔使太擔心我遺禍人間。」

資料&圖片來源:FB@雷深如 J.Arie、IG@jarielui
標籤: J.Arie  雷深如  車牌  

留言


請按此登錄後留言。未成為會員? 立即註冊
    快捷鍵:←
    快捷鍵:→