HOY TV小編奧運直播用「美極潮文」對表演者作相貌攻擊惹爭議 網民 ：講嘢咁嘅質素，個台真係做得起咩？ 精選 推薦

今年政府出資購入奧運的播放權，開放予TVB、HOY TV、VIUTV及RTHK四家電視台播放奧運賽事，各台以不同風格和賣點直播賽事，讓觀眾按自己喜好選擇平台觀看奧運。

不過，HOY TV很快就因為其YouTube頻道小編的出位言論而惹來爭議，皆因HOY TV小編在一位身材豐滿的表演者出鏡時，留言寫道：「大家帶定美極」，疑用「美極潮文」對表演者作相貌攻擊，令不少網民認為其言論不尊重他人。

用「美極」嘲笑身材豐腴的人，要追溯到高登會員徐錦江剪髮於2012年11月20日發布的文章，該文章被稱為「肥婆食用法」，又名「肥婆食用手冊」，當中提到要「加兩滴美極慢慢品嚐肥婆老泥」，而讓「美極」變成潮笑人身形的代名詞。

對於電視台頻道提起「美極」，雖然有人覺得好笑，但大部分人感到不滿，留言直指：「2024仲用美極body shame人😂9成係唔識進化 思想仲停留緊係2007嘅連登仔嚟」、「個admin講嘢咁嘅質素，個台真係做得起咩？」、「全球都唔會有電視台咁唔professional 咁樣公開criticise 人哋個表演，如果咁樣喺外國一早俾人告咗」、「咩年代…仲用呢啲黎取笑人？進步下啦人類」、「唔好笑，講同笑都好嘔心」等。

HOY TV方面未有就爭議作出回應，但頻道小編似乎已留意到事件，只表示：「大家喺我畀人炒之前可唔可已Subscribe咗呢個Channel先」。