ERROR成員193生日前接公公噩耗 網民翻提「193倒車撞跌阿婆意外」稱「有報應」 本尊反擊：講你個名畀我聽，燒埋畀你 精選

ERROR成員193 （郭嘉駿）於今年生日時（1月14日）在社交平台發文指公公過身，長文紀錄公公以往照顧他長大的點滴，悼念這位至親家人。

不過，Threads 上有網民就此重提 193 於去年 8 月倒車時撞跌阿婆一事，稱：「原來撞到呀婆真係有報應」。當時 193 有下車查看婆婆傷勢，婆婆傷勢不嚴重，很快就站了起來，193 事後表示問咗曾經詢問婆婆是否需要報警或送院，婆婆表明沒有需要，193 於是上車離開，事後親自已向警方備案，盡力配合跟進。

至今日（6日），193 突然回應 Threads 上的相關貼文，留言表示：「撞到嬸嬸係意外，你講到我好似特登咁？你係智商比正常人低好多、唔識理解事件嗎？故意撞人對我有咩好處？用下你個屎忽腦啦。呢個世界有咩人係從來冇做錯過嘢㗎 ？你係聖人？」

193 續指：「如果要講報應嘅話，我估你全家都應該已經不在人世，講佢哋啲名俾我聽，我幫手燒俾佢哋，順手講埋你個名俾我聽啦，如果要講報應，你都應該已經喺地獄㗎啦，你呢啲性格有缺陷嘅廢柴應該都冇朋友，咁我唯有當積陰德，順便燒俾你啦」。
▲193 非首次談及「燒畀你」言論反擊網民
字裡行間能感受到 193 的憤怒，有網友撐 193：「唔係193fans，但想問句：人誰無過？每個人都需要為自己既行為負責任亦唔需要介入他人既因果相反，閣下既行為都係口業既一種」。