41歲關智斌自爆早已冷藏精子 為存下優良基因：28歲同40歲嗰啲都唔同 精選

關智斌（Kenny）近日出席蝦頭（楊詩敏）和連詩雅主持的YouTube節目《絲打圍爐》，談到冷藏精子的話題，連詩雅表示，「雪卵」聽得多，很少聽聞男性會「雪精」，因此對這個話題很感興趣。

41歲的K恩男y恩男一直未有戀情消息傳出，但五官精緻、基因優良的他，的確有考慮生育後代。蝦頭大膽問到有沒有人向Kenny「借種」，Kenny表示真的有！Kenny提到，自己有早有冷藏精子：「你唔同年紀嘅狀況都，唔同，咁咪想留定優良嘅。我覺得28歲同40歲嗰啲都唔同。」他形容這樣就像近未來劇集一樣，日後人類生育時會運用科技挑選基因。
連詩雅回應：「呢啲愈嚟愈普及，好多人唔想將就，唔想趕結婚生仔，而去同咗個唔適合嘅人一齊。」她補充：「有啲人可能未儲到錢，未買到樓，未肯定可以提供好生活畀小朋友時，都唔會想生小朋友住。但當佢哋有條件可以生嘅時候，可能已經40幾歲。」

不過，提到雪卵／雪精子過程，女生比男生複雜得多，除了要接受誘導排卵療程，還需經手術取卵。Kenny就指男性精子每日能生產數千萬顆，雪藏過程亦不複雜，聽落對女生很不公平。

蝦頭和連詩雅大讚Kenny好有計畫，會趁年輕時存下最好的基因。最後蝦頭還表示有意向Kenny借種，指：「你咁多！」連詩雅還笑指Kenny可以以此做生意！
資料&圖片來源：YouTube@ChillGOOD TV