193@ERROR 重提「153事件」 落淚認無禮輕佻:我唔係真係針對曾生

深夜清酒梳打 於 22/11/2022 發表 收藏文章
以往曾志偉受訪時曾指出ViuTV收視只得4點,題材偏門,認為應與J2台比較,而非TVB。而向來有話直說、言論火爆的ERROR成員193(郭嘉駿)就為ViuTV節目《最後一屆口罩小姐選舉》發聲,反擊J2「40幾歲仲做後生仔傾吓偈嗰個啊嘛?」,又直稱TVB觀眾為「老嘢」,令曾志偉被賜新花名「153」。

事件雖為193增添不少人氣,但日前他在ViuTV全新綜藝《ERROR自爆96小時》中,落淚承認自己當時無禮輕佻,他指:「其實我想講返點解會有『153事件』,我會講嗰樣嘢出嚟,我係好輕佻、好無禮咁講嗰樣嘢出嚟,係因為我睇完兩位口罩小姐比賽之後,我有啲嬲,我睇完佢哋兩個綵排好差,而我Expect佢哋唔係咁。之後就要出去做記者訪問,嗰下其實我有少少衝動,因為對上嗰5分鐘前我仲係嬲緊個表演者哋表現得唔好,我唔係真係針對住曾生... …」

193續說:「只不過… …我係我個台嘅藝人,我覺得我台拍嘅綜藝好好睇,大家都好努力 ,所以我想維護我個台,所以先講呢番說話。你唔可以話我哋係『小眾』囉,你唔可以用自己觀點我話我哋個台唔好囉,我想維護返呢班好努力嘅人囉,所以就咁樣講嘢 。

他落淚強調:「我唔係針對一個人,我係針對緊嗰一句說話,去批評我哋個台。因為我我哋個台啲人呢幾年都好努力做節目㗎,唔瞓覺去剪片㗎... ...我係唔明點解你一日要返廿幾個鐘工,你見到有同事係喺公司Camping呀... ...所以我覺得,我哋咁努力去做創新節目嘅人,點解你要咁批評我哋個台呢 ?」

從193的感言中,能感受到他的不甘,而網民亦理解193發言的用意,大讚現時的193比以往更成熟,並希望他初心不變。



資料&圖片來源:ViuTV
標籤: 193  ERROR  153  曾志偉  TVB  ViuTV  ERROR自爆96小時  

留言


請按此登錄後留言。未成為會員? 立即註冊
    快捷鍵:←
    快捷鍵:→