黃秋生連開3 Po爆粗鬧爆前助手:洗銅錢夾大聲就係呢種人

深夜清酒梳打 於 22/09/2022 發表 收藏文章
上月中,黃秋生在FB透露合作了十多年的助理吳月(Moon Ng ) 離職,後來也發文暗示兩人不歡而散。至前日(20日),黃秋生再連發3則貼文鬧爆這位前助手,直斥她是「X家剷」!

黃秋生寫道:「個X家剷留低咁多手尾冇做,而家要揾三個人幫手執佢啲屎。佢仲好意思話自己人工低,自己好盡責。今日又揾到張两年前冇入嘅票。我啲單好多都冇幫我處理,好多罸款。嗰條正廢柴。請佢嗰個都祝佢好運。唔怪得佢咁老馮,佢真係以為請佢食飯,出埠拍戲休息時去行街買嘢嗰啲先係佢嘅職責。洗銅錢夾大聲就係呢種人。」

另外,黃秋生又指前助手沒有向他交代清楚FB密碼,令秋生哥不得不重新開設FB帳號,但他仍保持正面,當是「送瘟神」!

秋生哥連日來仍與前助手保持聯絡交接工作,他分享「尋日又學咗一招」:「問:點解呢啲冇做嘅? 答:唔知喎,冇見過喎,冇做過喎。 問:我問妳點解呀?答:冇做到咪因為冇做到囉,我都冇做嘢,點會見到啫,都冇見到,點做呢?」
網民也忍不住怒氣,留言斥:「呢種人咁無責任心,就算嫁咗唔做嘢都害死老公同仔女呀!」對此,秋生哥回覆:「唔會嫁到,佢而家養緊條乞兒,錢用完就走架啦。佢按埋老母畀佢間樓養仔。」秋生哥熱烈回應網民,爆料前助手各種令人頭痛的行為,看來這些年來他真的受了不少氣。
資料&圖片來源:FB@黃秋生Anthony Perry

如果喜歡我們的文章,請即分享到︰

標籤: 黃秋生  助手  

留言


請按此登錄後留言。未成為會員? 立即註冊
    快捷鍵:←
    快捷鍵:→