馬國明為湯洛雯旅行Shopping黑面解畫：其實佢好開心㗎 精選

視帝馬國明於年頭宣布與湯洛雯訂婚，兩人的婚事大受關注，但有傳馬國明突然被公司徵召開拍新劇，令婚禮計畫陣腳大亂。早前，有網友在法國名牌店偶遇馬明及靚湯，唯靚湯似乎心情不佳而黑面，馬明在旁愁眉苦臉，惹人猜測兩人關係緊張。

歐遊返港後馬明接受訪問，親自為靚湯黑面事件解畫，表示：「其實佢好開心㗎，因為我哋去到法國估唔到搵到佢想買嘅嘢，喺香港排隊都唔會有，竟然喺法國排到！」不過，馬明稱他們不太習慣法國人優雅慢活的生活方式，等貨時間對生活節奏緊湊的香港人來說有點長，所以靚湯才會疑似黑面，她其實只是太期待心頭好到手的一刻，才會表現煩躁。

馬明又透露，他和靚湯其實聘請了當地團隊為他們拍攝婚紗相：「佢（靚湯）係好靚，啲衫都好靚！我哋法國影咗6、7套衫，全部都好靚，佢而家係頭痛點揀啲相... ...我就覺得一來佢又fit咗，二來佢揀啲衫又好襯巴黎個環境，所以各樣嘢 夾埋就覺得好靚。」馬明表示，等照片整理好後，他們會公開靚相給大家欣賞，一同感受這份喜悅。

資料&圖片來源：TVB 娛樂新聞台