霍哥試食ERROR 193 Cafe 193再回應「呃錢」爭議怒批「毒男成本L」:要平就唔好去Cafe,去食兩餸飯囉

深夜清酒梳打 於 22/09/2022 發表 收藏文章
日前,微辣成員霍哥與Tina到ERROR成員193(郭嘉駿)開設的Cafe拍Vlog,試食店內招牌三文治和試飲手沖咖啡。

193的Cafe開業時大排長龍,人氣爆燈,卻有不少客人幫襯後失望而回㗎嘛,並在網上投訴Cafe食物質數欠佳。193提到:「一開幕嗰陣好鬼忙㗎嘛,佢哋(員店)又做唔切啦,做唔切嘅時候啲包就冇切到底,跟住又冇乜汁,啲人就投訴,擺上網鬧我哋,話我哋有半嚿都齋係包嚟。我都廢事回應嗰啲人,喂嚟得Cafe係咁呃錢㗎啦,你情我願㗎嘛呃得。」

他續說:「上啲毒男會同你計成本㗎,會同你講『嘩!呢個成本5蚊咋喎,加埋10蚊咋喎,佢賣到咁貴』,佢唔諗吓我呢間舖要幾多錢租、幾多錢裝修、人工要幾多錢。我叫佢哋『成本L』,嗰啲我其實唔會理佢,因為佢哋講得出呢啲嘢,根本就唔會出街食飯,就係嗰啲喺屋企煮餸,咁佢梗係覺得平啦所有嘢。」

不過,193指Cafe亦有作出改善,例如增添人手、食物畀足料、改良食譜等。霍哥表示193鬧haters的態度簡直是「勇者無懼」,193就指::「我驚咩啫,你鬧我,我又係咁樣賺錢,鬧我啲人都唔會嚟我Cafe嘅。如果你要平就唔好去Cafe囉,你去食兩餸飯囉。」

資料&圖片來源:Jeffrey Fok霍哥哥

如果喜歡我們的文章,請即分享到︰

標籤: 193  ERROR  霍哥  微辣  

留言


請按此登錄後留言。未成為會員? 立即註冊
    快捷鍵:←
    快捷鍵:→