陳蕾爆前公司硬要其做文青女 自覺 「做作」:唔可以著爛牛仔褲、無袖衫,唔可以露膝頭哥

深夜清酒梳打 於 20/09/2022 發表 收藏文章
現年31歲的歌手陳蕾(Panther)於昨晚(19日)播出的ViuTV節目《晚吹 - 有酒今晚吹》中,提到以前所屬的唱片公司硬要陳蕾要以文青形象發展,陳蕾直認當時的自己非常做作!

被稱「豹哥」的陳蕾,以往其實當過「文青女」。回憶舊公司對她的要求,她表示:「連我著爛牛仔褲都唔得,唔可以著無袖衫,跟住唔可以露膝頭哥。跟住我就覺得如果連咁都鬧,咁我平時講嘢粗魯少少,實鬧喇!所以我就自發性地做訪問時唔敢亂講嘢囉。」形象被局限久了,陳蕾坦言自己有感迷失:「公司都唔係鍾意我,係鍾意塑造出嚟嘅我,咁係咪代表原本嘅我唔會有人鍾意呢?我嗰陣真係好迷茫。」

被問到為何現在會走「型格」路線,陳蕾表示自己性格倔強,即使表演時唱情歌、穿得較有女人味,觀眾仍能感受到陳蕾內裡堅強有型的特質。

尋回自我的陳蕾,除了唱歌演出,還特別喜歡編織手作。令人驚訝的是,陳蕾在節目中穿著的背心,也是自己親手織成,衣服經精心設計,為求能在人前能展露自己最自信的一面。她的夢想是建立個人品牌:「我嘅夢想係做一間小店嘅老闆,間店希望同手作、咖啡、茶有關,想做一間手作Cafe。」

資料&圖片來源:ViuTV

如果喜歡我們的文章,請即分享到︰

標籤: 陳蕾  豹哥  Panther Chan  Panther  ViuTV  晚吹  有酒今晚吹  

留言


請按此登錄後留言。未成為會員? 立即註冊
    快捷鍵:←
    快捷鍵:→