「金牌媒人」Bob林盛斌爆方力申最難撮合 直言他扭擰唔開放:你連交友Apps都玩,點解唔接受我介紹好對象

深夜清酒梳打 於 09/11/2022 發表 收藏文章
有「金牌媒人」之稱的Bob(林盛斌)曾為多名圈中好友撮合良緣,當中包括張秀文與「皮草太子爺」堂弟王大權、朱慧敏與心臟科名醫陳良貴等,都是經Bob介紹才相識相愛。近日,Bob出席林柏希主持的YouTube節目《月傾會》擔任嘉賓,被問到身邊最難撮合的藝人是誰,Bob表示是方力申!

現年42歲的方力申已經5年無拍拖,他早前在電視節目自爆有玩交友Apps,卻遇「冇人like」的慘況,但他強調自己不急著拍拖,對現時的生活方式感到滿足。不過,Bob卻為方力申感到擔憂:「無論係我電話同佢講定真人同佢講,我話,喂,睇下吖,呢個真係幾好,同埋佢對你有好感呀,佢就會話『唉!唔好啦!』大佬,你連交友Apps都玩,咁點解你唔要個朋友 Good Brother去介紹一個幾好嘅?佢又成日話唔好!扭擰都唔緊要,咁你對自己有要求,想要搵個更加好,但連呢個開放嘅機會去試下,都話好似唔係好好!」

此時林柏希就爆料指:「但佢同我講呀,話你Sell得太行呀。即係呢,任何場合唔理邊個總之係單身,你都話『喂方力申啱你』。」

Bob承認曾經令方力申尷尬:「有啲場合呢我會叫佢過嚟,同個女仔介紹:『方力申超好仔,呢個真係冇得頂,快啲兩個握下手,交換電話!』之後搞到佢哋衰衰哋咁樣囉。」

雖然不知道方力申的理想對象有何條件,但他就曾在電台節目說過:「我覺得我嘅生活好易滿足,我亦都好忙,唔需要有另一半都好快樂,唔需要有另一半畀愛,我都感覺到每一日都充滿住愛。」



資料&圖片來源:YouTube@盒子 BOX channel

如果喜歡我們的文章,請即分享到︰

標籤: 金牌媒人  Bob  林盛斌  方力申  

留言


請按此登錄後留言。未成為會員? 立即註冊
    快捷鍵:←
    快捷鍵:→