速遞路邊扒飯盒被偷拍公審兼投訴 Bob籲要有同理心:如要炒佢魷魚 我即刻安排一份工畀佢

深夜清酒梳打 於 16/03/2022 發表 收藏文章
昨日(15日),有網民於富景花園拍到一名順豐速遞員在屋苑通道一角,以手推車作飯檯脫下口罩食飯盒,指責該速遞員「疫情下罔顧他人」,稱已向物業管理總公司及保安公司投訴。

看到此消息的藝人Bob(林盛斌)於IG發表想法,他指:「呢個世界,好多嘢,冇百分百嘅啱定錯,但係有一樣野,係最基本嘅,就係包容。」
loading


疫情下速遞行業受到極大影響,他們面臨人手不足的問題,工作非常辛苦,Bob表示自己其實很尊重他們:「你估如果佢有得舒舒服服坐喺餐廳入面食嘢,佢會唔會選擇坐喺個垃圾桶旁邊食呢個飯盒?人哋已經匿喺一個盡量唔影響其他人嘅地方,諗住嗱嗱聲扒埋嗰兩啖飯就繼續送貨送件,然後你影咗佢張相放上網諗住公審再去投訴,其實唔可以話你唔啱,你係有你嘅道理嘅,只不過成件事,好冇同理心,好唔善良。」

Bob願意付諸行動幫助該位速遞員,指:「最後要紀律處分甚或至要炒佢魷魚,麻煩認識呢位速遞哥哥嘅朋友叫佢聯絡我,我即刻安排一份工俾佢。」

對此,網民表示贊同,認為「佢(速遞員)已經匿埋食飯,仲想佢點!」,希望在疫情難關下,大家能在合理的情況下互相包容,將心比心。

資料&圖片來源: IG@bob_lamshingbun

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→