「試當真」開show慶1周年 重量級嘉賓古天樂現身 游學修:全年都無碌佢卡!

深夜清酒梳打 於 27/10/2021 發表 收藏文章
於2020年由游學修、許賢(賢仔)、蘇致豪(豪哥)創立的YouTube頻道「試當真」,一直大受歡迎,僅成立1年已獲30萬訂閱。昨晚(26日)「試當真」為慶祝開台一周年,於九龍灣Star Hall舉行早晚兩場《一週年現場版》演出,昨日一早約11點已有逾百人在場外排隊購買買紀念品,場面墟冚,門外更聚集一群警察戒備。

游學修、蘇致豪和許賢,連同一班骨幹成員岑珈其、Locker(林家熙)、Jessica(陳苡臻)、Yanny(陳穎欣)、倪安慈一同參與表演,嘉賓方面亦大有來頭,除了樂隊Dear Jane及ToNick做足兩場嘉賓外,日場更請來鄧麗欣(Stephy)、夜場更請得巨星古天樂,令觀眾們十分驚喜。

繼日場鄧麗欣參演「Channel需要女」現場版,古天樂則於夜場「Channel需要仔」環節現身扮「見工」,一出場即搞gag:「試當真一周年開騷咁大件事冇人講嘅?」。講真,古老闆都要見工?古仔應該做「試當真」幕後金主至真!
游學修在演出後受訪表示:「(古天樂)佢一口答應(做嘉賓),我好早就同佢講,因為一整年都冇碌過佢卡,一周年開騷碌卡唔使講啦,佢真係好好,佢拍緊戲都特登抽時間過嚟,然後做完嘉賓又返去拍戲。」

演出中還有精彩歌舞環節,分別有舞台重演《狂舞派2》、反串「男版yolo」《選擇困難》、Super Girls成員Yanny(陳穎欣)與女成員跳唱《鎂光燈下》,當中kayan9896更與Locker情侶檔上演「男女辣身舞」。

其後還有小薯茄、熊仔頭、啱Channel派出的代表和試當真crossover「現場風雲」,再加上前Cap TV、金剛Crew班底雷爺、LD發、火柴及Jackie現身,四台聯播令觀眾興奮又感動。

蘇致豪、許賢當然也有化身MC $oHo & KidNey大唱名曲《跌嘢唔好搵》、《走先啦係咁先啦》!二人還為近來引起熱話的各「MIRROR前夫」創作了新曲,更於演出時即場發布,真是驚喜連連!嘉賓樂隊Dear Jane和ToNick就演唱了「試當真」的二創歌《哪裡只塞駿業里》和《外賣修澧賢》,聽得全場high爆直達高潮!

如果喜歡我們的文章,請即分享到︰

標籤: 試當真  古天樂  游學修  

留言


請按此登錄後留言。未成為會員? 立即註冊
    快捷鍵:←
    快捷鍵:→