「美心妹妹」Celine現13歲重提6歲出寫真掀「意識不良」風波 母曾被斥當女搖錢樹 連登網民：可能已經揸緊2層樓啦 精選

日前（5日）3歲就開始拍廣告的「美心妹妹」Celine（楊鎧凝）及其母親於《星期日檔案》做嘉賓，談起Celine過往做童星的經歷，拆解Celine與別不同的童年生活為她帶來甚麼影響。

2008年出生的Celine今年已經13歲，約5歲時憑美心MX蘿蔔糕廣告一炮而紅，廣告中Celine頂著可愛bob頭，臉頰紅紅又「脹卜卜」，可愛度爆燈，當時被稱為「美心妹妹」，很快便成為廣告界寵兒。Celine最高峰時期曾拍20幾個廣告，是「廣告小天后」，媽媽大讚囡囡指「佢喺行內有個名叫『快靚正』， 好多人搵佢拍廣告。」

後來於2015，Celine 6歲時於書展推出《童萌時光》寫真集，當中有幾張照片拍到Celine張開雙腿、翹起臀部、露出白色內褲等，旋即被批「意淫」，媽媽被罵失職，沒有好好保護女兒。

當時負責攝影的Ronald Lam曾接受訪問指，相片只是隨影(Snap Shot)，稱沒有指導過Celine擺出任何姿勢，是部分網民刻意用淫穢角度觀賞。

現在Celine媽媽表示：「每個家長都會保護自己嘅小朋友，我都成日睇住佢拍嘢，係咪先？唔會唔保護，而家佢大個，對事情略知一二，話畀佢聽，聽完就算。如果個個都係咁，咁認真去處理，我諗好多人會有抑鬱症。」

Celine媽續指：「（網民）話我成日唔畀佢返學，成日要佢拍嘢，成日叫佢搵錢，咁佢小學嘅時候都拍少咗嘢，廣告老是常出現冇辦法。開心係唔會開心㗎喇，以前都係覺得要平反，但而家個網絡世界平反只會越描越黑，只要平平淡淡過去就算。」
Celine媽認為個女兒喜歡做童星，又做得開心，所以不介意女兒從小踏足社會，不過她表示，童星生活多多少少都會影響Celine的日常生活： 「小學知你讀邊間，喺門口等你。佢哋見到囡囡又會同佢影相，都會影響到學校。」

當年的寫真風波令Celine幕前演出機會銳減，直至近年才再次活躍於社交平台做「小KOL」。

有連登網民認為，Celine媽有「前瞻性」，「可能已經揸緊2層樓啦」，又認為Celine「細個搵到大個唔使返工都好啊（唔係老母私吞嘅話）」。

另外就有網民留意到現在的Celine樣貌與小時候大有不同，正所謂「女大十八變」，大家還認得這位「美心妹妹」嗎？