網民重提下面「動L」事件 陳柏宇玩Threads親自解畫 剖白當年上台前做咗「呢樣嘢」：係男人都會明 精選

歌手陳柏宇（Jason）自本月初開始積極玩Threads與網友互動，問大家可否傾「二級半」話題，網民就指「二級半」小兒科，傾四級嘢都仲得！結果，近日有網友重提Jason 15年前在簽唱會上獻唱《你瞞我瞞》時「扯旗」，相關片段當年在網上瘋傳，一度成為熱話，甚至有人將有網民將《你瞞我瞞》歌詞二創改編成《你扯我扯》，成為港人難忘的搞笑回憶。



Jason曾經在YouTuber熊仔頭頻道「FHProductionHK」的節目中談論事件，覺得自己冇理由在該場合「扯旗」而不自知，猜測片段遭後製改動，但熊仔頭反駁指當年的後製技術沒有這麼先進，難以用特效矇騙觀眾雙眼。

而這次，網民重提事件，問道：「其實陳伯當年咩事，諗起啲咩？」Jason不介意作出回應，並首度為事件解畫，回覆：「上台之前瞓着咗一陣。係男人嘅都會明。」事情真相大白，男性的確容易在在睡覺時或清晨有生理性勃起現象，不代表Jason在獻唱期間唔專心諗其他嘢！