港女為叫米線外賣 狂打158次電話仍失敗 公審食店卻反遭網民斥:有病唔該去睇醫生

深夜清酒梳打 於 30/09/2022 發表 收藏文章
近日一名女網民在FB群組「馬鞍山之友 2.0」發文公審馬鞍山一家連鎖米線店,指自己原本想打電話到食店叫外賣,但打了過百次電話仍無職員接聽,最終她還是需要親身到店購買食物。女網民怒斥:「我唔知你哋咩心態!而我心態係我老公揸車返嚟之前我打定電話,然後老公去攞就啱啱好,而呢間店係成日喺7點左右打極電話都唔通嘅,我唔知有App,打完唔通咪繼續囉!我就係知佢哋得一條線,所以珍惜每分每秒唔想第二個人入咗線,否則我可能要再打多15分鐘!」

對此,網民持不同意見,有人斥:「叫碗麵10幾分鐘喪打158次電話去譚仔,精神病嘅就唔該去睇醫生」、「打咁多次電話係有啲癡」、「己所不欲勿施於人,唔使下下都話人哋有問題」、「唔得閒點聽?手就得一對,堂食埋單嗰陣都見個阿姐又要收錢又要聽電話落外賣」、「外賣App都唔識用,弱智」等。

不過也有不少人認為該米線店有問題,不解為女網民為何會被反公審,表示:「呢間係永遠唔會聽電話」、「根本班懶鬼唔做嘢」、「打得通就唔使狂打啦,人哋分享下啫」、「見過呢間三哥佢地係專登掛起電話,我都無試過打得通」等。

有傳媒聯絡該連鎖米線店,獲回覆指食店對於為客人造成不便深感抱歉,並建議顧客可透過手機App點餐外賣自取。

資料&圖片來源:FB@馬鞍山之友 2.0

如果喜歡我們的文章,請即分享到︰

標籤: 米線  電話  外賣  港女  

留言


請按此登錄後留言。未成為會員? 立即註冊
    快捷鍵:←
    快捷鍵:→