梁朝偉無信心奪「亞洲電影大獎」影帝 有意回歸拍劇:可以拍日韓美劇

深夜清酒梳打 於 09/03/2023 發表 收藏文章
梁朝偉昨日(8日)出席電影《無名》首映禮,受訪時被問到未來去向,偉仔表示有意從電影圈回歸拍劇,重拾拍攝電視劇的心情。

偉仔提到:「因為我係拍電視劇起家,喺而家呢個階段,突然好想重新試一次電視劇,我覺得都會好好玩,因為呢個年代現同我以前拍個年代當唔一樣,而家有好多串流平台,會畀更加多觀眾可以睇到我嘅演出。可能性同選擇多咗好多,可以拍美劇,又以拍日劇、韓劇。」

去年偉仔曾與《魷魚遊戲》黃東赫吃飯,不少人猜測偉仔有望參演《魷魚遊戲2》。不過,偉仔就澄清該次會面只是朋友相聚,但自己不抗拒韓劇邀約。
loading

loading


《亞洲電影大獎》將於本周日(12日)舉行,偉仔憑《風再起時》入圍角逐「最佳男主角」,對手包括《Drive My Car》西島秀俊、《分手的決心》朴海日、《片場風暴》莫森塔納班德等。談到有沒有信心再奪影帝,偉仔表示「我真係咁知」,但就非常賞識西島秀俊。他笑指:「我自己拍嘅時候已經盡咗全力㗎喇,我覺得冇所謂囉。」

另外,被問到今年未獲金像獎提名會否感到失望,偉仔就大方表示︰「又唔會嘅,金像獎都鼓勵咗我好多年,我覺得都要畀多啲機會新演員,唔係淨係鼓勵我㗎。」

資料&圖片來源:綜合媒體報導、IG@tonyleung_official

留言


請按此登錄後留言。未成為會員? 立即註冊
    快捷鍵:←
    快捷鍵:→