林日曦成功叫老婆the pancakes出山! 突發於6月7、8日連做2場音樂會

深夜清酒梳打 於 04/06/2022 發表 收藏文章
林日曦《大初戀日》舞台獨腳戲由5月19日起在香港演藝學院公演一連29場,前日(2日)林日曦在FB表示,租借場地時預留多了2日(6月7日及8日)作後備,他表示:「我突然喺度諗……有一條友(林日曦老婆the pancakes的Dejay 蔡明麗)好耐好耐都冇開過音樂會(差不多10年)我想說服佢用嗰兩日、用我個佈景、用我啲音響、用我啲同事,幫佢搞兩場『突發攝位復出冇任何idea純粹以歌會友音樂會』…..」
▲蔡明麗


對這個突發奇想,林日曦原本覺得機會渺茫:「因為一來唔知場地批唔批准咁樣做;二來要說服佢肯出山仲難過登天,但如果有預謀咁樣籌備,佢次次都會半途而廢,而家突然叫佢下個禮拜即刻嚟,可能會有少少機會。」

The Pancakes是香港一支獨立一人樂隊,唱片公司Rewind Records的唯一成員。 The Pancakes的唯一成員為Dejay,自稱為「阿戟」,原名蔡明麗,身兼作曲、作詞、編曲、彈奏、主音,對上一次公開演出已是2013年12月於九展舉行的《地球很危險音樂會》。
The Pancakes音樂作品:



不少the pancakes的歌迷及網民大表支持,蔡明麗被大家的留言所動,接納了林日曦這個瘋狂的提議,她表示:「其實俾多幾日我諗的話我應該會選擇唔做的了,我呢啲玻璃sim耐冇做show真係好想繼續逃避的,唔搞咪唔會失敗囉 (票房),唔搞咪唔會做得冇人哋咁好。但係尋日一來時間緊迫,驚唔把握今個機會就會冇下一次咁珍貴的巧合機會 (叫我出去自己搞一個音樂會我真係冇動力和會諸多藉口推搪),二來被大家在另一邊的甜言蜜語留言感動到流晒口水鼻涕,所以就... ...」
loading


《the pancakes 亂入大初戀日喊足成晚音樂會》將於2022年 6月7、8日 (共2場)在香港演藝學院歌劇院舉行,演出時間為晚上8點,購票詳情比較複雜,有興趣的讀者可以詳細閱讀:
引用《the pancakes 亂入大初戀日喊足成晚音樂會》詳情
演出日期 :2022年 6月7、8日 (共2場)
演出時間 :晚上8點
演出地點 :香港演藝學院歌劇院
《戟會2022》會籍詳情
入會日期及時間 : 6月4日晚上10點開始在以下網頁登記申請做會員(成功登記不代表成功申請,隨時截止):
www.Lam1Hey.com
- 請先在網上登記
- 每1個人最多只可以為2個人登記做會員 (自己和朋友),登記時輸入的全名之後並不可以更改或轉讓,如果同一人超額登記,將取消其資格,請留意及見諒;
- 被抽中成功入會的人士,將會收到通知,請不時查閱電郵信箱及垃圾郵箱及電話SMS / whatsapp訊息;(請務必查閱垃圾郵箱,將會大大減輕同事工作量)
- 然後成功抽中人士請根據通知裡的指示付款;(戶口名稱為:Itching Limited,切勿過數給來歷不明的戶口)
- 入會費:每人HK$500 + 手續費$30
(2人會籍HK$1,000 + 手續費$60)
(唔好意思之前寫漏咗手續費,而家edit補返)
【會員福利】
- 每個會籍將獲得《the pancakes 亂入大初戀日喊足成晚音樂會》入場券1張 (一定有位)
- 一次性會員證1張
- 於音樂會現場購買the pancakes個人保存最後一批自己出版的實體CD、DVD和書籍 (每款大概20件) 和以前出過的t-shirt (約30款,每款只有一件,雖然未著過自己純收藏有膠袋裝住,但因為年月摧殘,所以狀態唔太理想) (很抱歉,以前因為搬屋dump咗好多好多好多好多好多自己全新的產品,我都覺得好心痛,但係作為斷捨離嚮往者望住呢啲體積龐大的東西仲辛苦) (萬一反應熱烈,現場可能會限制每人只可以買一件產品)
- 於音樂會現場購買the pancakes由elefant records出版的7吋紅色黑膠唱片 (大概十幾隻,我keep咗二十年一直都唔捨得賣,因為覺得好珍貴,好驚賣一隻少一隻,又好驚普通價錢賣完之後啲人容易dump咗或棄置在足球場更衣室,所以希望用高價HK$1,000義賣,令到真係好想好想買的人才買,款項不會扣除成本全數捐去「香港流浪狗之家」,收據將會在3個月內刊登在我日久失修的網頁 (此次義賣並非和「香港流浪狗之家」的合作,純粹本人單方面捐款)
----------------------------
【音樂會注意事項】
*此次音樂會只限已成功登記的會員參加。加入了的會員將獲得音樂會門票1張,並採用實名制,會員於現場取票及入場時均需要提供身份證明文件核對身份。
*一人一票憑票入場。一經入會,除因不可控制之原因而需要取消音樂會外(例如極端天氣),不可退款。
*為免音樂會延誤,請預早在當日一小時前 (即晚上7點),憑入會確認電郵及身份證明文件親臨香港演藝學院一樓歌劇院門口前台接待處領取會員證及音樂會門票。
*座位將由主辦單位根據入會完成付款之時間以公平原則分配,不設自行選擇座位。
*請配合場館因應最新防疫預防措施所實施的特別安排及遵守政府公布最新的防疫預防措施,否則場地有權拒絕相關人士進場,有關入會費用恕不退還,敬請見諒。
*主辦機構保留更改活動節目的權利。

資料&圖片來源:IG@lam1hey、IG@likethepancakes

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→