微辣Rachel親自解釋為何將Fans禮物遺留於已清拆辦公室：已經執返 精選 推薦

微辣前經理人阿晶輕生後，微辣宣布暫停更新頻道。日前網上流出微辣辦公室退租後的清拆照片，可見單位已經變得一片狼藉，垃圾堆中還驚現粉絲送給藝人Rachel（劉蘊晴）的生日禮物。該禮物為一塊貼上多張即影即有的木板，粉絲們親手寫上祝福字句，為Rachel慶生。

網民看到照片後留言批評Rachel：「最後被佢當垃圾處理」、「估唔到Rachel咁樣對待Fans 」、「粉絲 = Condom」、「清純女神咁無情」等。有見及此，Rachel親自發文解畫，表示：「關於相框，我哋已經執返。好遺憾同事將佢由香港打包返澳門之後，非常有手尾收埋得太好，以至於最後我自己執拾自己物品後都冇見到佢，然後又被造文章。」
她不希望粉絲被誤解不被愛，指：「我絕對唔希望鼻b（粉絲暱稱）見到唔開心，有人覺得我潛水又好，黑心亦好，只有鼻同支持我嘅人，我唔希望佢哋被誤解不被愛。連我已經被指責，一邊打回應，佢哋仲一邊擔心我，都要提醒我小心回應嘅人，我邊有可能可能唔愛、唔在意。」

Rachel表示自己見慣網絡的無中生有、指鹿為馬，只能透過發聲，保護自己的支持者。最後她寫道：：「唔相信或者非常討厭我嘅人，可以自行離開呢個Group，多謝你哋關注，但係我亦都唔想令你哋嘅生活唔開心。」

資料&圖片來源：IG@rachellll_l、網絡圖片