張韋怡開1小時直播哭訴7歲兒子受校園欺凌 被同學踩心口:學校處理方法有精神病

深夜清酒梳打 於 14/05/2022 發表 收藏文章
37歲TVB女藝人張韋怡於2014年與富二代男友Michael Poon結婚,二人婚後育有一子,昨日(13日)凌晨張韋怡在IG開足1小時直播,哭訴自己的7歲兒子在校被同學打,而學校處理欺凌的手法更是過分。
loading

張韋怡表示,於5月10日中午收到學校副校長電話,得知兒子被一名姓黃的同學「踢到心口」,校方表示張韋怡兒子見有同學被打,於是上前勸架,最終被黃同學踢心口並跌倒在地。當日張韋怡到校接兒子外出吃午膳,看到兒子體育服上心口位置有明顯的鞋印,張韋怡向兒子詢問詳情,兒子表示:「其實佢(黃同學)每個小息都會揀2個小朋友嚟蝦,可能我一早俾佢揀中呢。」張韋怡感到非常心痛,為保兒子安全,她教導兒子不應再插手暴力事件。


張韋怡提:「個同學仔係有精神病,但學校嘅反應同處理方法更加有精神病!」她指:「個仔第日返完學發返到屋企,佢冇食嘢,我問老師點處理嗰個打人嘅同學,我個仔開始喊,我一路追問佢,佢先講班主任竟然叫我個仔『唔好講大話同唔準再提呢件事』,如果唔係就記佢過,以後都冇得返學。班主任話好多同學指責,係我個仔打人先。」

張韋怡極之憤怒,指老師扭曲事實,本末倒置,還企圖壓制兒子的聲音:「副校長話畀我聽我個仔係受害者嚟㗎嘛。老師嘅處理方法對我個仔造成最大傷害,佢濫用老師身分去欺凌一個7歲嘅小朋友!我哋家長將我哋嘅掌上明珠交畀學校,佢哋無保護到佢不特止,佢哋仲要傷害佢嘅弱小心靈。」

張韋怡在IG寫到:「香港教育制度嚴重失衡!校園欺凌,嚴重暴力行為,老師本末倒置!處理不當,包庇問題學生,導致我個仔身心受創!扭曲我小朋友道德觀念!一定要以正視聽,伸張公義!糾正歪風!」張韋怡後來更新社交平台,表示校方已經道歉,承認處理失當,兒子亦當場接受了該名班主任道歉。

資料&圖片來源:IG@gogocheungcwy

如果喜歡我們的文章,請即分享到︰

標籤: 張韋怡  欺凌  兒子  

留言


請按此登錄後留言。未成為會員? 立即註冊
    快捷鍵:←
    快捷鍵:→