尾二一屆口罩小姐「聞西」爆冷奪冠 網民狂派嬲嬲Emoji:做馬做到咁出面

深夜清酒梳打 於 12/09/2022 發表 收藏文章
ViuTV舉辦的《尾二一屆口罩小姐選舉》總決賽於10日播出,經才藝表演及泳裝問答環節後,三甲終於誕生,冠軍由「聞西」梁茜童奪得,亞軍是「MK」黃僥霖,季軍則是「馬小玲」張可盈。而大熱人馬、曾參選過世界小姐的「師姐」王詠珩只得第4名,不過就獲得「網絡最受歡迎口罩小姐獎」及「最佳自選造型獎」。另外,身材出眾而話題多多的「Triple May」Kylie鄭杞瑤就只得11名。

是次賽果引來觀眾極大不滿而在ViuTV FB狂派嬲嬲Emoji,認為聞西在節目中如「透明人」,表現非常「Hea」,卻竟然爆冷奪冠。有人留言直斥:「做馬做到咁出面」、「由頭Hea到尾都保送到攞冠軍... 癲到呢」、「IG好紅 但喺個比賽就好似透明人,海洋公園嗰集根本冇見過佢咁。ViuTV要簽佢使唔使搞咁多嘢呀?」、「由海選做馬做到決賽,好嘢」等。
loading

西童以往曾擔任ViuTV節目《晚吹—戀講嘢》嘉賓,大呻胸大之苦。

另外,也有不少網民批評聞西的外貌,指「佢除口罩個刻 嚇到我呀!」、「個樣毫無觀眾緣」、「好肉酸,帶返個口罩算啦」,還大呼「還我師姐」、「師姐真係靚你好多」、「點解唔係師姐攞冠軍?」等。

資料&圖片來源:FB@ViuTV、IG@westtung

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→