網上流傳一段車CAM影片，可見一名少年乘坐的士到達目的地後，才發現不夠現金支付車費，於是向司機表示「我爭3蚊」。的士司機隨即以粗口開罵：「冇X嘢呀嘛？八達通啦？」惟少年未有攜帶八達通。此時，司機大怒：「X你老味，我車X返你落去！你條X樣呀真係，離X晒譜呀你真係。X你老味，喺啲咁嘅X地方，叫人車你上嚟，仲話爭3蚊，你係咪傻X咗呀你？好X意思喎你真係。」最終，少年被車回原點，並被要求支付身上僅餘的$26作車資，全程一直挨罵。
事件引起網民討論，不少人認為司機「冇品」，不應為了$3「恰細路」，亦不該在將乘客載返原點後收取車資，做法不太合理。不過，也有人認為少年上車前應確保身上有足夠金錢支付車費，以避免衝突發生。
資料&影片來源：FB@蔡西西
請按此登錄後留言。未成為會員? 立即註冊