呂爵安與Anson Lo合照遭鬧「浪費時間炒CP」 Edan親回： 唔好控制我Po乜 精選

MIRROR近日負面新聞連連，繼成員成員Ian（陳卓賢）遭擔任林俊傑（JJ）演唱會嘉賓遭「彈鐘」後，這次到Edan（呂爵安）IG Po與Anson Lo（盧瀚霆）合照被罵，Edan不忍無理指責，親自留言反擊。

Edan和Anson Lo飾演港版《大叔的愛》的田田和阿牧後，「登神CP」就成大受追捧，不少粉絲特別鍾愛兩人互動。近日他們齊齊飛往日本開工拍攝電影《盜月者》，Edan上傳了和Anson Lo在便利店與原版《大叔的愛》演員黑澤武藏的Poster的合影，卻有網民認為他特登「炒CP」，表示：「得閒就學吓戲練吓歌，唔好浪費時間喺度炒CP啦。」

Edan回應該網民：「得閒就睇吓書同屋企人朋友傾吓計，唔好浪費時間喺度話人炒CP啦，次次我Po同佢（Anson Lo）嘅嘢都話炒CP，我係咪唔同得我朋友合照呀，你同你朋友去旅行會唔會Po相呀？你自己諗多冇所謂，唔好扭曲我做嘅嘢同控制我Po乜先得㗎。」

見Edan親自反擊，網民繼續挑釁：「說中了？」Edan無奈表示：「回應你就係說中了？咁你玩晒㗎喎。」
見狀，大批「爵屎」湧入Edan IG留言撐偶像，指：「其實呢個係Personal Account，自己IG Post乜嘢要由人哋控制？唔啱就唔好睇」、「Po一張相就令嗰位人兄聯想到貢多嘢嘅？難道佢冇朋友？冇同朋友合照過嗎？」、「同隊友互動好正常，點解要被話炒CP」、「啲X頭講野撩交嗌 唔使理」等。

資料&圖片來源：IG@edanlui