吳若希公審丈夫車女員工返工 串爆：女人呢係好敏感嘅，你趷起條尾，都已經知你會做咩㗎！ 精選

吳若希（Jinny）與澳門富二代何兆鴻（Alex）於2017年結婚後育有一子一女，不過他們屢傳婚變，皆因Jinny不是會在社交平台公開數老公的不是。而今日（9日），Jinny在IG限動Po出對話截圖，可見她追問老公為何要車女員工上班，被老婆篤爆後改陪女員工搭地鐵返工，老公則解釋自己急著拿MPF文件給員工簽名，Jinny對此不解。

Jinny表示：「其實呢，女人人呢係好敏感嘅，你趷起條尾，都已經知你會做咩㗎！今朝何生好積極咁話要車同事返工，俾我話完之後，好有骨氣地講，連車都唔揸自己搭地鐵。我又唔知點解，突然間覺得佢應該係搭地鐵搵佢公司同事，我CHOK完佢第一句，佢又真係答我係WOR，即係，我自己都有公司，都有幫人哋供MPF，我依家先知原來MPF需要老闆親自攞文件俾員工簽！男人呢～就好得意嘅，身有屎嗰陣呢，就會話自己已經好多嘢煩，怪返女人唔體諒佢！」
Jinny隨後再以黑底白字發文寫道：「作為太太，要提就提左GA LA！佢選擇尊重你，定係選擇無視你，係佢嘅決定。有啲人會忍，有啲人會嘈，我呢，同呢個人相處咗八年，太清楚佢咁嘅回答係代表咩！所以呢講埋今次，之後大家喺條街度見到佢同第二條一齊唔好大驚小怪，因為佢都係做嘢嘅啫！」

不過，Jinny也怕自己誤會了老公，於是親自聯絡Agent問這份MPF文件是否真的急需即日處理，Agent就表示已跟Alex溝通好，會於下午親自到公司找Alex的員工簽名，看來Alex沒必要急著在早上找員工簽名。不過，Jinny又嘗試站在老公立場「思考」：「BTW，大家都唔好誤會何生，佢女同事喺啟德，我哋住喺何文田，又真係好近嘅~何生呢種反向思維，好忙但係唔想麻煩到個Agent要親自去搵女同事，而唔係直接返公司等女同事返工，都情有可原嘅」。