《叱咤樂壇流行榜頒獎典禮2023》昨晚（1日）完滿結束，「我最喜愛的男歌手」獎競爭尤其激烈，最終由張敬軒奪得，揮低「光B」尹光及MIRROR三子姜濤、Anson Lo（盧瀚霆）和Ian（陳卓賢）。
張敬軒接受傳媒訪問時提到，尹光一早就準備好讓賽：「尹光哥哥有打電話畀我，話有投我一票。」張敬軒認為今年有尹光加入戰團，氣氛更加「好玩」，並給予他勇氣落區拉票：「如果好似往年咁淨返我一個人對住MIRROR成員，我就要好審慎㗎喇！呢次有尹光哥哥陪我，我覺得個風險就溝返淡咗，因為始終大家都知道，MIRROR嘅粉絲好Die Hard，好錫自己嘅偶像，而且我哋好多粉絲係重疊嘅。」
張敬軒原以為自己距離「我最男」這個獎項很遙遠：「啱啱好10年前，2014年1月1日，係我人生第一次獲呢個獎。呢10年發生咗好多事，我都覺得自己離呢個獎已經好遠，因為潮流變緊、觀眾審美變緊、我粉絲嘅年紀都變緊... ...所以就算我冇獎都唔奇。」
尹光方面也在IG發文祝賀張敬軒奪獎，他寫道：「今晚好高興，多謝有幸出席呢個盛事，非常出色。恭喜哂軒公，實至名歸。#一人一票送軒公上台 #不過你無跳呀 #大家都要好好休息保重身體 #身體健康最緊要。」不少樂迷留言讚尹光大方又有風度，感謝他捧場叱咤全晚，認為《Dear Myself》一曲為港人帶來很多正能量，希望尹光未來會繼續推出新作品，令香港樂壇百花齊放。
資料&圖片來源：IG@silly.father、綜合媒體報導
張敬軒接受傳媒訪問時提到，尹光一早就準備好讓賽：「尹光哥哥有打電話畀我，話有投我一票。」張敬軒認為今年有尹光加入戰團，氣氛更加「好玩」，並給予他勇氣落區拉票：「如果好似往年咁淨返我一個人對住MIRROR成員，我就要好審慎㗎喇！呢次有尹光哥哥陪我，我覺得個風險就溝返淡咗，因為始終大家都知道，MIRROR嘅粉絲好Die Hard，好錫自己嘅偶像，而且我哋好多粉絲係重疊嘅。」
張敬軒原以為自己距離「我最男」這個獎項很遙遠：「啱啱好10年前，2014年1月1日，係我人生第一次獲呢個獎。呢10年發生咗好多事，我都覺得自己離呢個獎已經好遠，因為潮流變緊、觀眾審美變緊、我粉絲嘅年紀都變緊... ...所以就算我冇獎都唔奇。」
尹光方面也在IG發文祝賀張敬軒奪獎，他寫道：「今晚好高興，多謝有幸出席呢個盛事，非常出色。恭喜哂軒公，實至名歸。#一人一票送軒公上台 #不過你無跳呀 #大家都要好好休息保重身體 #身體健康最緊要。」不少樂迷留言讚尹光大方又有風度，感謝他捧場叱咤全晚，認為《Dear Myself》一曲為港人帶來很多正能量，希望尹光未來會繼續推出新作品，令香港樂壇百花齊放。
資料&圖片來源：IG@silly.father、綜合媒體報導
請按此登錄後留言。未成為會員? 立即註冊