丁子高灣仔遇怪人自稱「救護人員」 用$500求賣襪 JW:我有聽過相似嘅故事...

深夜清酒梳打 於 09/06/2022 發表 收藏文章
楊千嬅一家三口去年搬到上海暫居,現時千嬅常駐內地工作,身在湖南長沙拍攝《聲生不息》,而丁子高則已返港處理公事。不過,回港後丁子高就遇到怪事,事件與街頭求賣襪、救護員有關,不少網民表示有聽過類似的故事... …

丁子高詳述事件經過:
引用頭先喺灣仔某某酒店去完洗手間出返嚟之際,有位滿頭白髮嘅中年男士(目測應該有50幾歲)走過來問我可唔可以比對襪佢,我當時覺得好奇怪無啦啦做咩問我攞對襪,然後佢同我講佢係救護隊人員需要完整嘅制服先可以返工,佢話完整制服係唔可以着黑色襪,而佢正正着住對黑色嘅襪,但係佢又要急住上白車開工,所以問我可唔可以比對襪佢,我見佢個樣好焦急,咁啱我又着住一對UNIQLO嘅淺啡色運動襪,當我喺度考慮緊嘅時候,佢喺佢銀包攞咗張證件出嚟證明佢係救護人員兼且攞多張500蚊出嚟,問我不如賣俾佢好冇,佢話因為佢真係好趕時間,佢講到咁⋯我就當場除對襪俾佢(反正之後我都係返屋企)然後我就同佢講快啲上車開工啦!講完轉身就走,跟住佢就好唔好意思咁追住我同我講500蚊真係唔要啊?我答佢你快啲開工啦,救人要緊!之後我就返屋企喇⋯啱啱沖完涼坐喺度諗諗吓都係覺得怪怪地,你地覺得點?
#怪事常常有 #怪事常出現 #其實究竟係點㗎
#有冇人遇過 #可唔可以分享吓
loading

對此,歌手JW 王灝兒留言表示:I swear I’ve heard this story before from someone… …(我以前絕對有喺其他人身上聽過呢個故事... ...)洪永城也寫道:「一模一樣,襪、地點、原因、金錢……好難想像嗰個人屋企有幾多對襪。」而方力申就直接留言叫丁子高致電給他:「Call me bro」看來事情不簡單... ...

帖文下引來網民討論,有網民表示救護員制服應該是穿黑色襪,而丁子高遇到的該名「救護員」可能有「戀襪癖」。另外,亦有人提醒襪子可能會被用來落降頭, 提議丁子高如果「擔心嘅,或者你近排過多幾次海,同埋用三葉水沖下涼」。


搜尋資料,發現網上的確有網友分享過類似經驗,有人表示「隻襪可以用嚟做好多儀式㗎。可以係取你嘅陽壽運氣、精元、做替死鬼... ...你收咗佢錢即係等如你答應賣比佢呀。」
引用
【吹水台】救護員借襪?降頭?
https://forum.hkgolden.com/thread/4524394/page/1
引用【真人經歷】救護員借襪??
https://www.discuss.com.hk/viewthread.php?tid=13901525&extra=page%3D1&page=1

不過,仍有不少網民留言叫丁子高別太擔心,指「幫到人做好事就唔好亂諗啦」、「幫到手就ok 」、「你心地好好,會有好報」等。

資料&圖片來源:IG@real_ting、高登、香港討論區

如果喜歡我們的文章,請即分享到︰

標籤: 丁子高  

留言


請按此登錄後留言。未成為會員? 立即註冊
    快捷鍵:←
    快捷鍵:→