[2011.07.25]直認夜店會藍莓 林峯躁爆：唔好再撩

林峯日前被國產前女友潘霜霜繼續爆料，近日又被指在祖母喪禮翌晚，在蘭桂坊跟無綫奀星藍莓（劉俐）拖手跳舞兼錫面珠，昨日林峯出席活動時，死口否認與藍莓拖手，更躁爆叫記者：「你唔好再撩！」

林峯昨日在觀塘 APM出席新碟簽名會，獻唱快歌《 Chok》時，咪高峯突失靈，林峯只好尷尬又唱又笑。而活動遲了半小時開始，林峯強調早已到場，沒遲到。

林峯近日被指在祖母出殯翌晚，跟無綫奀星藍莓在蘭桂坊拖手跳舞又錫面珠，有指林峯以白事為由推掉新加坡一個頒獎禮，但轉頭卻在蘭桂坊消遣，對此林峯說：「其實好正常，唔好畀字眼嚇親。」他稱當日下午與監製為演唱會開會後，收到一個音樂人來電說晚上到蘭桂坊聚聚，林峯只是想慰勞一班音樂人，算是小型慶功宴，最終亦由他埋單。他又指一早已推掉新加坡的頒獎禮，與白事無關。
林峯強調當晚有很多 TVB藝人，不明為何只影了他與藍莓。提到他被指與藍莓不只跳舞，林峯開始：「只係傾偈。」問林峯是否拖手？他死撐是角度問題。至於祖母剛逝世，會否感到去蘭桂坊不是太好？林峯說：「我都有諗過，其實冇乜特別，我都係諗住去飲杯嘢，冇諗過第一次去蘭桂坊就俾人影到，可能我少去，大家先覺得大件事。」

提錫面火滾

問林峯會否再約藍莓？林峯即很大反應兼口窒說：「黐線，我哋唔係好熟咋。」那為何不熟也與藍莓咁好傾？他說：「傾咗兩句，我都係落咗去一陣，你點知我好傾？」問有否錫面？林峯即躁爆說：「邊有呀？我都有睇個報道，邊有啜面珠？你哋唔好因為字眼問題咁大反應啦。」再問與藍莓誰做主動及對其印象？林峯不悅說：「我已冇嘢講，要講已經講晒，你唔好再撩喇！」至於前女友潘霜霜爆料，指林峯父母對她很挑剔，林峯反而輕鬆回應：「要答都答晒，唔再講。」此外，曾與林峯傳緋聞的陳嘉桓昨為王賢誌公司旗下收身產品到銅鑼灣宣傳，陳嘉桓還在化妝品店櫥窗當眾除去 10多磅衣服大搞噱頭，引來大批途人圍觀。