【多圖】《3日2夜》靚女主持成集狂叫,泳裝上陣全身濕透

純情跟蹤狂 於 17/09/2018 發表 收藏文章
琴日播既《3日2夜》好養眼!講緊既就係靚女主持陳詩欣同陳睿雯兩個。上回講到佢地去韓國拍旅遊節目,詩欣食蟬蛹食到嚇親寶寶個樣都出埋黎,而一向大膽既睿雯竟然連蟲味都唔驚,大啖大啖咁食...今次依然有刺激既野玩,不過唔係核突野,而係上天下海姐。為左氹佢地入局,一開始帶左兩位靚女食盡韓國美食,先到掃街勝地江陵中央市場,即食熱爆拉絲芝士魚餅及芝士糖餅,再去韓牛繁殖場同韓牛拍賣會,一邊品嚐韓牛刺身、燒韓牛,一邊見識韓牛既評級標準。

不過全程小編雙眼都忍唔住望實佢地對美腿,因為詩欣同睿雯特登夾左dresd code,掃街嗰陣齊齊一字膊同熱褲上陣,連檔口老闆比佢地吸引到,再醒多塊煎餅佢地食,明顯係靚女先有既福利,氹到兩人鬼咁開心;跟住二人又換左白色背心短裙同紅色貼身吊帶裙,好正呀,只係略嫌睿雯太瘦冇乜肉。




飲飽食醉終於要後到戲肉,佢地兩個由橫城轉到平昌度假村玩餐飽。詩欣包剪揼輸左要打頭炮玩飛索,怕離心地既佢話唔係好高,所以一啲都唔驚仲想玩多次;相反明明睿雯大膽到爆,竟然戲精上身扮曬好驚唔敢行前,仲特登整出啲驚叫聲搞到隔離座山都聽到。上完山梗係要落水,佢地兩個青春可人,無線又點會浪費呢個機會?即刻要求佢地換泳裝出場,詩欣明明身材好啲,但佢著左鮮紅色露背連身泳衣,同睿雯著住波點bikini谷行胸相比冇乜睇頭。今次調返轉要詩欣面對畏水恐懼,喺水上樂園被逼幾次挑戰滑水梯,好殘忍啊。





▼電視唔清楚,都係睇返佢地instagram既高清圖





(圖片來源:https://instagram.com/cherubchan0226?utm_source=ig_profile_share&igshid=9gjypsy34qt0https://instagram.com/eunicechanszeyan?utm_source=ig_profile_share&igshid=qokz4oxltmgq)

留言


請按此登錄後留言。未成為會員? 立即註冊
    快捷鍵:←
    快捷鍵:→