馮盈盈真係好屈機，點解咁講？喺美貌上獲取大家肯定，先奪得2016年香港小姐競選冠軍，再贏得2017年國際中華小姐競選季軍；喺事業上又成功上位，同時擔任藝人、KOL身份，豬籠入水；喺愛情上sweet到漏，同靚仔高大既男朋友鍾文浩Martin形影不離，不時比傳媒影到熱吻、緊抱既相，零緋聞。但講到最勁一定係近日既傳聞，有傳馮盈盈喺兩年前已經接受男朋友求婚，仲開始準備緊婚禮！呢個消息都幾感撼，因為普通香港女仔二十四歲算早婚，馮盈盈身為上緊位既藝人就更加早。睇返男朋友背景其實唔簡單，曾經喺香港中學會考考獲十優成績，依家喺瑪麗醫院任職內科駐院醫生。自從馮盈盈入行，男朋友就密密示愛，唔難怪馮盈盈唔避忌之餘仲愈來愈高調，回應返男方既愛。
除左男朋友好好，錫到馮盈盈燶之外，其實咁早結婚，亦證明馮盈盈真係好好先會令到一個男人咁快就想安定落黎：
1. 對男朋友用心
好多藝人入左娛樂圈之後就算有另一半都會選擇低調拍拖，甚至將戀情保密，一黎怕狗仔隊會騷擾另一半，影響大家工作同私生活，冇曬私隱；二黎唔想異性粉絲知道會冇曬幻想空間，唔再支持自己，人氣下滑。不過唯獨有個人例外，佢就係馮盈盈。唔單止由2016年參加香港小姐競選嗰陣已經公開有個醫生男朋友，簽約無線入左行之後仲成日喺鏡頭面前示愛，講到自己好愛佢，非他不嫁。
早前喺《#後生仔傾下偈》馮盈盈就爆佢同男朋友相處既情況...話說佢男朋友好介意佢拍劇有親熱戲，講到明唔比激吻，話脷同其他身體部位唔同，比較私隱，覺得大家脷疊脷有太大身體接觸。不過點知呢，唔拍又唔得喎，所以馮盈盈堅持唔伸脷，每次拍之前通知聲，拍完又會打千字文解釋拍左幾多個鏡頭、拍左咩動作、咩角度，一切一切都係想男朋友安心。就係因為佢咁專一，反而吸引年輕網民注意，覺得佢為愛不惜一切，好勇敢，人氣不跌反升。
2. 得到網民歡心又有公司器重
無線見到網上反應同評論，或者覺得馮盈盈係比電視台一個接觸年輕觀眾既機會，一開始好快比左《學是學非》同《#後生仔傾下偈》既主持佢做。馮盈盈講野破格，大膽談論性話題、時下網絡熱話、大方面對負評，作風行為同以往斯文保守既女藝人唔同，比人一種好有新鮮感、貼地既感覺。結果喺短短不足兩年時間，馮盈盈喺處女劇《果欄中的江湖大嫂》既演技得到大家一致讚好，火速上位成為當紅花旦。上個月啱啱做完今屆港姐司儀，拍住前輩鄭裕玲Do姐，幫另一位司儀麥明詩兜圓場，前途指日可待。
網民勁讚馮盈盈好有老婆feel，性格優點數唔完，例如玩得又傾得、錫男朋友、冇架子易做朋友、會自己努力賺錢唔靠人......等等，希望佢同男朋友結婚係真料啦！
除左男朋友好好，錫到馮盈盈燶之外，其實咁早結婚，亦證明馮盈盈真係好好先會令到一個男人咁快就想安定落黎：
1. 對男朋友用心
好多藝人入左娛樂圈之後就算有另一半都會選擇低調拍拖，甚至將戀情保密，一黎怕狗仔隊會騷擾另一半，影響大家工作同私生活，冇曬私隱；二黎唔想異性粉絲知道會冇曬幻想空間，唔再支持自己，人氣下滑。不過唯獨有個人例外，佢就係馮盈盈。唔單止由2016年參加香港小姐競選嗰陣已經公開有個醫生男朋友，簽約無線入左行之後仲成日喺鏡頭面前示愛，講到自己好愛佢，非他不嫁。
早前喺《#後生仔傾下偈》馮盈盈就爆佢同男朋友相處既情況...話說佢男朋友好介意佢拍劇有親熱戲，講到明唔比激吻，話脷同其他身體部位唔同，比較私隱，覺得大家脷疊脷有太大身體接觸。不過點知呢，唔拍又唔得喎，所以馮盈盈堅持唔伸脷，每次拍之前通知聲，拍完又會打千字文解釋拍左幾多個鏡頭、拍左咩動作、咩角度，一切一切都係想男朋友安心。就係因為佢咁專一，反而吸引年輕網民注意，覺得佢為愛不惜一切，好勇敢，人氣不跌反升。
2. 得到網民歡心又有公司器重
無線見到網上反應同評論，或者覺得馮盈盈係比電視台一個接觸年輕觀眾既機會，一開始好快比左《學是學非》同《#後生仔傾下偈》既主持佢做。馮盈盈講野破格，大膽談論性話題、時下網絡熱話、大方面對負評，作風行為同以往斯文保守既女藝人唔同，比人一種好有新鮮感、貼地既感覺。結果喺短短不足兩年時間，馮盈盈喺處女劇《果欄中的江湖大嫂》既演技得到大家一致讚好，火速上位成為當紅花旦。上個月啱啱做完今屆港姐司儀，拍住前輩鄭裕玲Do姐，幫另一位司儀麥明詩兜圓場，前途指日可待。
網民勁讚馮盈盈好有老婆feel，性格優點數唔完，例如玩得又傾得、錫男朋友、冇架子易做朋友、會自己努力賺錢唔靠人......等等，希望佢同男朋友結婚係真料啦！
請按此登錄後留言。未成為會員? 立即註冊