喺樓價同物價方面香港一直係頭幾位，而喺全球快樂指數同微笑指數方面香港就包尾......都市人生活壓力非常大，人人努力讀書搏殺上大學，讀完大學比心機只係想搵份月薪過萬既工，安安份份辛苦返工又為左買樓，買完樓要諗結婚、生仔，成個人生為左賺錢係咁跑，日日比工作壓力、家庭壓力等弄到喘不過氣。夢想？變得更加遙不可及，喺呢個勢利既社會講出黎可能會比人笑，於是好多香港人唔開心、大壓力，甚至屈到有情緒病。根據醫院管理局統計顯示，全港有逾30萬人患上唔同程度既抑鬱症。
有見及此，一名本地網紅托哥就諗辦法睇下可唔可以令香港人開心啲喇。喺前幾日星期四既夜晚佢走到港鐵車廂裡面突然高歌一曲，講左句「香港人，我地開心啲好唔好？」就開始唱《世界真細小》第一句，希望有人跟住唱，但呢度係香港黎架嘛，點會有人接呢？就算唱多幾多句，喺擠迫既車廂裡面依然係冇反應。後尾托哥又再唱《if you happy and you know it》，好彩仲有一個人拍下手，不過之後已經冇人應，最後要自high結尾。
雖然一諗到現場氣氛應該尷尬到暈，可以同關家姐鬥，不過佢個心態都幾好既，發放正能量想人笑多啲。有唔少人讚佢搞笑又好勇敢，如果香港人有一半有反應可能已經係國際新聞，可惜香港人好難快樂，依家個結果完全係意料之內。其實呢個托哥喺facebook page有成四萬幾人追蹤，成日拍搞笑片，因為佢之前係神街訪既主持，所以自己走出黎做網紅拍片都幾多人睇架。
同一時間托哥或者要換個方式叫人開心喇，因為部份網民覺得佢咁樣喺車度大叫好騷擾，搞到想靜靜地放工休息下都唔得，批評佢為左增加知名度影響到人，冇人投訴已經要偷笑，叫佢要睇場合先做呢啲野。
▼完整影片
香港人，笑下啦！
有見及此，一名本地網紅托哥就諗辦法睇下可唔可以令香港人開心啲喇。喺前幾日星期四既夜晚佢走到港鐵車廂裡面突然高歌一曲，講左句「香港人，我地開心啲好唔好？」就開始唱《世界真細小》第一句，希望有人跟住唱，但呢度係香港黎架嘛，點會有人接呢？就算唱多幾多句，喺擠迫既車廂裡面依然係冇反應。後尾托哥又再唱《if you happy and you know it》，好彩仲有一個人拍下手，不過之後已經冇人應，最後要自high結尾。
雖然一諗到現場氣氛應該尷尬到暈，可以同關家姐鬥，不過佢個心態都幾好既，發放正能量想人笑多啲。有唔少人讚佢搞笑又好勇敢，如果香港人有一半有反應可能已經係國際新聞，可惜香港人好難快樂，依家個結果完全係意料之內。其實呢個托哥喺facebook page有成四萬幾人追蹤，成日拍搞笑片，因為佢之前係神街訪既主持，所以自己走出黎做網紅拍片都幾多人睇架。
同一時間托哥或者要換個方式叫人開心喇，因為部份網民覺得佢咁樣喺車度大叫好騷擾，搞到想靜靜地放工休息下都唔得，批評佢為左增加知名度影響到人，冇人投訴已經要偷笑，叫佢要睇場合先做呢啲野。
▼完整影片
香港人，笑下啦！
請按此登錄後留言。未成為會員? 立即註冊