湯洛雯比麥美恩狂揸波，證明只有閨蜜間先可以咁做 精選 推薦

麥美恩不嬲出左名係傻大姐黎，佢比起馮盈盈更加唔理形象，好玩得、低笑點、冇底線，係真性情藝人既完美典範，同時呢個性格亦吸引好多藝人同佢一齊玩，當中搞笑女神湯洛雯就係其中一個。佢地兩個成日喺《學是學非》寸對方，網民一直都懷疑佢地喺鏡頭前咁friend究竟係咪真心。

近日有個幕後工作人員就爆料話就算係平時冇roll機，佢地成班是非精都係真心低B，個個玩得好埋好傻仔，絕對唔係做戲咁話。其實小編我都相信麥美恩同湯洛雯幕前幕後都係一樣咁nice既，睇佢地對fans係點就知，同埋佢地平時啲instagram動態玩得好癲，輕易證明到佢地之間既友誼。

日前湯洛雯終於去完馬爾代夫，停止同細妹湯樂瑤既J圖戰爭，返返無線開工。隔左段日子冇拍《學是學非》做是非精，佢都話好興奮......原來係因為有得見麥美恩！本身湯洛雯自拍緊，麥美恩突然使出揸波龍抓手，嚇到佢大叫；第二次又係咁，仲大力左；去到第三次終於反擊，湯洛雯偷襲成功！




姊妹情深，有啲野真係閨蜜之間先做得，普通朋友做會好尷尬，心諗：做乜事呀。所以除左屋企人同男朋友最親之外，閨蜜就係最清楚你，最可以有福同享，有難同當既人。