港男喺香港做it係原罪！？網友幫公司搞抽獎系統比人圍插 精選 推薦

近排好多公司都搞緊Annual dinner，有位啱啱出黎做野冇耐既網友都唔例外。由於佢公司好多人，老闆叫左佢呢位it部同事搞左個抽獎系統出黎。問題就黎喇，喺抽大獎(類似iphone之類既獎)嗰陣竟然咁啱抽中左自己，嗰下網友都解釋唔到，又第一次參加呢啲活動就照上台拎獎...

台下一片噓聲，仲比前面幾圍枱圍插，後面枱全部企曬起身想打佢添。網友話自己只係公司最低層既it狗，除左整程式仲負責指導啲嘉賓撳制，今次真係水洗都唔清。非常絕望既網友收到大獎唔係開心，而係擔心，於是喺討論區問人點算好。
(示意圖)

(示意圖)

有人叫佢當下應該拎返個獎出黎抽，避開嫌疑，亦有人話一開始寫紙仔整抽獎箱就唔會發生呢啲事。可惜網友話因為有得抽埋大假，Annual dinner又有其他合作公司在場，所以個系統要分開兩邊，同時確保每邊抽完出黎都會刪左個人名佢，避免重覆。

大家都對佢既遭遇表示同情，覺得做it好慘 ，又要免費幫公司搞，搞完又比人嫌三嫌四，中左獎又話做左手腳，隨時要拎返份獎出黎。點解大家都係員工一份子，只有網友唔可以抽中？其他眼紅大獎既同事根本係小人，作為it白痴唔識咁多，以為撳個制就改變到結果。不過網友因為太擔心今日返工會比人鬧，佢一早已經約左請20個熟既同事同埋Annual dinner 既commitee食飯喇。

▼睇下it狗幾慘......平時乜都要做，但裁員永遠排頭位




▼有啲人仲比左另類意見






最後，網友話佢其實好耐之前已經決定左下星期二要遞信辭職，下間公司真係刪左自己個名就算，當時就咁企台出面幫手撳電腦已經好緊張，唔好話抽中自己。所以大家既建議就留返下次咁唔好彩再發生同類事件嗰陣先用啦。

而小編覺得..其實網友呢個時候辭職仲奇怪，請唔請食飯已經改變唔到同事對佢既印象...
(圖片來源：高登討論區；資料來源：https://lihkg.com/thread/579559/page/1)