ViuTV《晚吹》講大波妹既煩惱，三個受訪者：我地都唔想架 精選

你知唔知咩叫double may？姐係大波妹！ViuTV《晚吹- 又要威 又要戴頭盔》最新一集「double may」就講大波妹既煩惱，或者你會覺得：「下，都咁大對波啦，穿衫性感，又個個男仔都中意仲有咩煩惱呀？」，其實真相唔係咁簡單！今次就請到三個堅．大波妹著住緊身低胸衫出鏡，講下天生咁大對波既感受，原來大波唔係我們諗得咁開心。

首先佢地一開始唔係埋怨先，而係分享點解佢地上圍可以咁豐滿而身形又咁瘦。最大原因要多謝媽媽，佢地話媽媽本身乳房有咁上下份量，所以直接透過基因遺傳比下一代，令三位受訪者變成大波妹。另外有人就話原來食木瓜真係有用，佢屋企人由細到大用木瓜煲魚比佢飲，搞到佢依家咁大。

講返正題，咁大波可以有咩煩惱呢？

1. 好多男仔會幫自己改花名，例如乳牛、巨無霸2. 啲人會先入為主覺得「波大無腦」， 但佢地話佢地一定唔會同平胸女比下去
3. 人人對自己有誤會，覺得波大有著數，事實上男老闆唔會因為波大就加人工或者對自己好啲；女老闆仲衰，見到會窒同寸；女同事甚至玩杯葛，好似做咩都係錯咁
4. 男仔見到就覺得一定可以做SP
5. 追巴士唔得、跑步唔可以，因為對波會彈下彈下引起人注目，就算咩都唔做都會比人狂昅
6. 因為太大買唔到胸圍同比堅尼，會擠出黎
7. 唔可以著間條衫、裇衫、背心、吊帶背心，前面既視覺效果會太勁，就算普通T shirt都要買大幾個碼，尤其著心鬆身tee會著到一來睇落成個人都好肥咁，好似好多肉咁，二來會睇落好似著得比較暴露。佢地仲話好想好似人地骨感啲，無咁大...
8. 食野首先會滴落個胸度，如果洗左會更加令人望住嗰個位

不過唔少網民都頂唔順佢地，仲鬧佢地係真八婆，比人白眼都係正常....可能佢地三個啲語氣太黑人惜，句句都好似埋怨緊大波，實際上曬命兼得戚；同埋明明話唔中意大波，但係上鏡又特登著到好暴露。網民指白色衫正常，但灰色衫的Tiffany明顯係反手讚自己既心機婊，連迪偉都忍唔住鬧佢：「咩場合先適合著你呢件衫呀？唔係o靚模都唔好著啦。」Tiffany解釋自己平時冇著開，二汶聽完仲驚訝：「姐係專登買既呢件！？」


▼佢地講完我即刻諗起昔日ig女神（@fat_boy_eat_all_day)講過一篇關於大波妹既自白

引用恕我講句，係香港做個有波既港女既人生就好似玩緊hard mode，唔好同我講咩大波自然多著數，至少我唔覺得係。

當你係街到不斷俾人視姦既時候，你無得還拖之餘仲唔可以同人講，因為就算你講左人地都幫唔到你，更甚者會覺得你係到曬命。 有無人明白呢種感覺係幾X難受？

你話我著貼身衫低胸衫好難唔引人犯罪，OK我可以接受， 但Hi Auntie點解我明明已經著住件鬆身既公司制服都要俾人問"呀妹 可唔可俾對波我揸揸？" 所以我得出既結論係根本唔X關我著乜野衫事，啲人一樣會望，一樣會講。

我聽完無出聲，我好嬲好難過，但我可以點？點解我明明咩都無做過我要哩埋喊？點解我只係一個普通人我就要不斷受埋呢啲屈辱，背後俾人評頭品足？點解？Hi Auntie我已經分唔清係我有問題定人地有問題。

不過當然，做大波妹都有好處既，就係如果兩隻手有野揸手唔得閒既話，事業線可以幫手夾實啲野呀。
如果想睇全集可以上ViuTV網站重溫：http://viu.tv/encore/talker-helmet-intercom，下集播放時間同樣係星期四晚上11點半99台。