衛詩雅，唔係連詩雅，亦唔係衛詩，佢係新界上水人，亦都係充滿演戲熱誠既女藝人。啱啱入行10年，衛詩雅拍左三條片去紀錄佢既演藝生涯，雖然咁多年黎曾經有好多人勸過佢轉行，不過佢話：「我就係中意做戲。」，咁努力、有目標既小妮子，喺茫茫港女裡面...好耀眼。
1.貼地親民
衛詩雅唔係咩名校畢業，又唔係大富人家，亦唔係極之紅既藝人，平時會照樣踢拖、唔梳頭、唔戴黑超、唔化妝就咁落街篤魚蛋、買餸，好多網民都話見過佢真人。巴士、地鐵係佢主要代步工具，有咩事都親力親為，唔會亂咁洗錢，電話壞左拎去整都唔買過部新，想游水會去沙灘，想著新衫就借sponsor既衫。佢好中意打機，例如玩傳說對決、sleeping dog、英雄聯盟，同一個普通麻甩少女冇分別。
就算佢依家因為《失眠》呢套戲多左人認識，佢依然如一，少少明星架子都冇。因為佢知道收左工都只係普通人，唔使避忌啲咩，做返自己最真、最實際。所以人地既高貴典雅、艷麗奪目喺佢身上睇唔到，反而咁樣同觀眾、戲迷距離好近。
▼佢仲好可愛咁話唔會有連登仔討論，因為佢地覺得自己冇討論價值。第二日連登即刻開左post，不過大多數人都係留言撐佢，好warm！
2.孝順家人
衛詩雅喺上水太平邨大，屋企有一個家姐、三個細佬，爸爸係一名地盤工人。有網民話見過衛詩雅爸爸，佢地成日一齊食飯，佢爸爸知道佢受左傷即刻好緊張，可見大家感情幾深。衛詩雅喺條片裡面都有話好對唔住屋企人，要知道娛樂圈呢行好難上位，佢曾經試過有段時間冇收入，所以喊住咁多謝屋企人仍然放手，繼續支持佢追尋自己既理想。
3.堅持奮鬥
衛詩雅畢左業之後做過六福珠寶，之後為電視劇《四葉草之盛裝舞步愛作戰》做角色試鏡，結果成功入圍並對演戲產生興趣，之後更加簽約成為英皇娛樂集團旗下女藝人，不過佢既演藝之路唔係好平坦。
入行十年唔係紅，亦唔係冇人認識。雖然難聽啲講有時只係做二打六，甚至比人強姦既角色，又有朋友批評佢搵唔到食，用先入為主既偏見去反對佢演戲，不過佢仍然好比心機、好認真繼續做，冇放棄過。無論主流定獨立電影都會爭取出鏡機會，令人好敬佩佢既敬業精神。其實作為一個觀眾已經覺得佢演繹得唔錯，幾帶到觀眾入戲，但佢之後仲繼續鑽研、學習，想再進步，實為大家既榜樣。
喺片裡面佢好搞笑，話自己唔中意停落黎，所以會喺得閒嗰陣係咁學新野考牌，佢有潛水牌、導遊牌、鑽石鑑定、船牌、中醫初級證書等。
三條片，小心洋蔥：
一個咁有heart既藝人令人好感動，希望大家可以比衛詩雅多啲演出機會，等我地了解佢多啲啦！
1.貼地親民
衛詩雅唔係咩名校畢業，又唔係大富人家，亦唔係極之紅既藝人，平時會照樣踢拖、唔梳頭、唔戴黑超、唔化妝就咁落街篤魚蛋、買餸，好多網民都話見過佢真人。巴士、地鐵係佢主要代步工具，有咩事都親力親為，唔會亂咁洗錢，電話壞左拎去整都唔買過部新，想游水會去沙灘，想著新衫就借sponsor既衫。佢好中意打機，例如玩傳說對決、sleeping dog、英雄聯盟，同一個普通麻甩少女冇分別。
就算佢依家因為《失眠》呢套戲多左人認識，佢依然如一，少少明星架子都冇。因為佢知道收左工都只係普通人，唔使避忌啲咩，做返自己最真、最實際。所以人地既高貴典雅、艷麗奪目喺佢身上睇唔到，反而咁樣同觀眾、戲迷距離好近。
▼佢仲好可愛咁話唔會有連登仔討論，因為佢地覺得自己冇討論價值。第二日連登即刻開左post，不過大多數人都係留言撐佢，好warm！
2.孝順家人
衛詩雅喺上水太平邨大，屋企有一個家姐、三個細佬，爸爸係一名地盤工人。有網民話見過衛詩雅爸爸，佢地成日一齊食飯，佢爸爸知道佢受左傷即刻好緊張，可見大家感情幾深。衛詩雅喺條片裡面都有話好對唔住屋企人，要知道娛樂圈呢行好難上位，佢曾經試過有段時間冇收入，所以喊住咁多謝屋企人仍然放手，繼續支持佢追尋自己既理想。
3.堅持奮鬥
衛詩雅畢左業之後做過六福珠寶，之後為電視劇《四葉草之盛裝舞步愛作戰》做角色試鏡，結果成功入圍並對演戲產生興趣，之後更加簽約成為英皇娛樂集團旗下女藝人，不過佢既演藝之路唔係好平坦。
入行十年唔係紅，亦唔係冇人認識。雖然難聽啲講有時只係做二打六，甚至比人強姦既角色，又有朋友批評佢搵唔到食，用先入為主既偏見去反對佢演戲，不過佢仍然好比心機、好認真繼續做，冇放棄過。無論主流定獨立電影都會爭取出鏡機會，令人好敬佩佢既敬業精神。其實作為一個觀眾已經覺得佢演繹得唔錯，幾帶到觀眾入戲，但佢之後仲繼續鑽研、學習，想再進步，實為大家既榜樣。
喺片裡面佢好搞笑，話自己唔中意停落黎，所以會喺得閒嗰陣係咁學新野考牌，佢有潛水牌、導遊牌、鑽石鑑定、船牌、中醫初級證書等。
三條片，小心洋蔥：
一個咁有heart既藝人令人好感動，希望大家可以比衛詩雅多啲演出機會，等我地了解佢多啲啦！
請按此登錄後留言。未成為會員? 立即註冊