琴晚既《萬千星輝頒獎典禮2017》有幾奇怪我諗大家都知，就算冇睇直播都應該見到唔同媒體爭相報導，而小編今朝都講左啲劇集同角色。喺發洩完分豬肉獎同做馬既不滿之後，梗係又黎到大家最期待既環節，點評下各位女藝人既裝扮啦！今年好多女藝人都繼續無視限奶令，因為佢地知道，邊個聽話就邊個蝕底，最好梗係有幾多料就拎幾多出黎曬冷，咁先可以搶到有利位置。
姚子羚
嘩嘩嘩，咩都露曬出黎喇，之前幾次都已經又開釵又露胸，今次仲成個心口比你睇曬！性感唔再罕有lu，自從演完《同盟》之後佢比角色上左身咁，唔少布唔著。
黃心穎
心頓著住藍色長裙胸前大deep V，豐滿上圍一覽無遺，心口既鑽石頸鏈閃閃下跌埋落事業線度，搞到人唔知望邊好。不過網民大彈心穎身材好都冇用，樣貌同蔡思貝完全比下去。
劉佩玥
總觀佢咁多套晚裝黎講，黑色同白色一定係白色，個樣甜美都係襯返白色會感覺可愛啲。同埋呢套黑白色普通左啲，下身又望落好肥，或者佢知自己冇獎拎，所以打扮起黎都hea過之前台慶同星和頒獎禮。
李佳芯
本身Ali唔係sell身材，係sell純情樣同氣質路線，著眼點唔應該放喺胸前，不過佢今次揀左呢件黑色透視開釵長裙就偏偏中門大開，唔使睇已經知...冇野睇，望多兩眼仲覺得怪怪地。
黃智雯
今次黃智雯就有少少失手，香檳色長裙本身係冇問題，仲幾高貴，但胸前面出曬事！肚部分特登整到勁平，搞到好似成塊洗衫板咁，有身材都變冇身材。
胡定欣
唔錯，一頭清爽俐落既黑髮加埋粗眉，明顯就係想show比大家睇佢好強壯既一面，襯埋閃令令晚裝夠曬突出。上身旗袍下身連身褲，設計獨特亦隆重，只係要吐槽一下後面如同超人既斗篷...係成件晚裝既最大敗筆。
譚凱琪
好奇怪....件晚裝開窿位置尷尬，令人聯想起SM或者喺地下club跳舞既dancer。仲記得《誇世代》有幕要喺張繼聰面前翹臀跳辣舞，唔通係拎左人地件戲服黎著？
林淑敏
大小姐呢件靚呀，藍色長裙採用左前短後長既設計，成個人感覺好青春。總括黎講不過不失，保守啲一定冇死。雖然最後都係冇獎，但喺香港人心目中大小姐已經係「最佳女配角」。
蔡思貝
呢排網民係咁話蔡思貝愈來愈靚，因為佢參加左渣打馬拉松半馬，以超水準1小時47分鐘完成賽事，大家都讚佢努力向前跑既體育精神令佢由心而發咁靚。除左佢外表上耀眼左之外，琴晚既紅色裙都好靚！公主一字膊將佢纖瘦既骨架露出黎，好好睇。
朱晨麗
我已經分唔同同上次嗰件有咩分別，上次好似都係白色蕾絲？今次又係，了無新意，唯一可取之處係中門大開.....但其實件晚裝上半部份好似我屋企件肉色呀婆底衫，下半部份就似以前返中學啲半截底裙。
湯洛雯
今年好多女藝人都揀左大deep V，連湯洛雯都著左黑色版，一直開到落肚臍位，超大膽！雖然比之前性感左好多，不過有啲老成.....起碼係個新嘗試，唔話得咁甘啦。
朱千雪
今次我都幫唔到千雪bb，佢條裙好似好似好似大肚婆，胸下面既位都泡泡設計，令成個人脹左幾個碼。著衫係為左遮住缺點、突顯優點，但佢條裙啱啱好相後，將身形曲線遮掩曬...加埋隻色太老套，終於成為全晚既時裝災難冠軍。
麥美恩
我認我出自私心，佢一出場拎獎嗰陣好多人都忍唔住眼濕濕，同埋好明顯大家都好中意麥美恩，因為全場係尖叫架，佢終於靠傻大姐形象成功左喇！佢既晚裝亦好好睇，白色亮面設計令成個人都充滿光彩。唔使多謝我地呢班打手，因為呢個獎係佢努力得返黎，係佢應得。
唐詩詠
同湯洛雯一樣都係開到落肚臍，但佢就白色裙，仲夾出3吋事業線！？明明之前佢一向被指冇身材，係好女友中唯一嫌棄既一點，依家突然發育仲勁過唔少原本好好身材既同事，究竟有咩秘訣架呢？
譚嘉儀
譚嘉儀呢套粉紅色晚裝配埋粉紅色頭好靚！我諗佢係特登想帶出自己喺《降魔的》裡面莉莉呢個精靈角色，所以整到自己咁夢幻。不過最正係估唔到佢身材原來好好，完全係禾稈冚珍珠呀。
馮盈盈
馮盈盈既桃紅色晚裝冇上次咁好睇，個頭又冇特別set。佢都係襯啲有仙氣啲既look，行成熟路線唔啱佢。
王君馨
自從結婚之後佢愈來愈型，之前扮曬盜墓者羅拉咁，又試過著到成身金屬色，好搖滾。今次佢都係梳左all back頭，搽紫色唇，不過中門大開，多左啲女人味，成個女王feel出曬黎。呢件晚裝都幾特別又有型，啱曬佢喺《心理追兇》擁有反社會人格障礙既江海澄呢個角色。
高海寧
雖然冇sell豪乳，但銀色掛頸晚裝夠曬sharp，只係有啲MK，令我諗起香港女團FFX。
陳敏之
我睇唔慣佢將頭髮梳曬去後面，成個人老左十年咁，件衫幾靚都無補於事，其實照返平時咁長曲髮就最靚最嫵媚啦。仲有佢明明係長腿天后，次次盛宴都收埋係咩意思？我地有限奶令唔係限腿令喎。
姚子羚
嘩嘩嘩，咩都露曬出黎喇，之前幾次都已經又開釵又露胸，今次仲成個心口比你睇曬！性感唔再罕有lu，自從演完《同盟》之後佢比角色上左身咁，唔少布唔著。
黃心穎
心頓著住藍色長裙胸前大deep V，豐滿上圍一覽無遺，心口既鑽石頸鏈閃閃下跌埋落事業線度，搞到人唔知望邊好。不過網民大彈心穎身材好都冇用，樣貌同蔡思貝完全比下去。
劉佩玥
總觀佢咁多套晚裝黎講，黑色同白色一定係白色，個樣甜美都係襯返白色會感覺可愛啲。同埋呢套黑白色普通左啲，下身又望落好肥，或者佢知自己冇獎拎，所以打扮起黎都hea過之前台慶同星和頒獎禮。
李佳芯
本身Ali唔係sell身材，係sell純情樣同氣質路線，著眼點唔應該放喺胸前，不過佢今次揀左呢件黑色透視開釵長裙就偏偏中門大開，唔使睇已經知...冇野睇，望多兩眼仲覺得怪怪地。
黃智雯
今次黃智雯就有少少失手，香檳色長裙本身係冇問題，仲幾高貴，但胸前面出曬事！肚部分特登整到勁平，搞到好似成塊洗衫板咁，有身材都變冇身材。
胡定欣
唔錯，一頭清爽俐落既黑髮加埋粗眉，明顯就係想show比大家睇佢好強壯既一面，襯埋閃令令晚裝夠曬突出。上身旗袍下身連身褲，設計獨特亦隆重，只係要吐槽一下後面如同超人既斗篷...係成件晚裝既最大敗筆。
譚凱琪
好奇怪....件晚裝開窿位置尷尬，令人聯想起SM或者喺地下club跳舞既dancer。仲記得《誇世代》有幕要喺張繼聰面前翹臀跳辣舞，唔通係拎左人地件戲服黎著？
林淑敏
大小姐呢件靚呀，藍色長裙採用左前短後長既設計，成個人感覺好青春。總括黎講不過不失，保守啲一定冇死。雖然最後都係冇獎，但喺香港人心目中大小姐已經係「最佳女配角」。
蔡思貝
呢排網民係咁話蔡思貝愈來愈靚，因為佢參加左渣打馬拉松半馬，以超水準1小時47分鐘完成賽事，大家都讚佢努力向前跑既體育精神令佢由心而發咁靚。除左佢外表上耀眼左之外，琴晚既紅色裙都好靚！公主一字膊將佢纖瘦既骨架露出黎，好好睇。
朱晨麗
我已經分唔同同上次嗰件有咩分別，上次好似都係白色蕾絲？今次又係，了無新意，唯一可取之處係中門大開.....但其實件晚裝上半部份好似我屋企件肉色呀婆底衫，下半部份就似以前返中學啲半截底裙。
湯洛雯
今年好多女藝人都揀左大deep V，連湯洛雯都著左黑色版，一直開到落肚臍位，超大膽！雖然比之前性感左好多，不過有啲老成.....起碼係個新嘗試，唔話得咁甘啦。
朱千雪
今次我都幫唔到千雪bb，佢條裙好似好似好似大肚婆，胸下面既位都泡泡設計，令成個人脹左幾個碼。著衫係為左遮住缺點、突顯優點，但佢條裙啱啱好相後，將身形曲線遮掩曬...加埋隻色太老套，終於成為全晚既時裝災難冠軍。
麥美恩
我認我出自私心，佢一出場拎獎嗰陣好多人都忍唔住眼濕濕，同埋好明顯大家都好中意麥美恩，因為全場係尖叫架，佢終於靠傻大姐形象成功左喇！佢既晚裝亦好好睇，白色亮面設計令成個人都充滿光彩。唔使多謝我地呢班打手，因為呢個獎係佢努力得返黎，係佢應得。
唐詩詠
同湯洛雯一樣都係開到落肚臍，但佢就白色裙，仲夾出3吋事業線！？明明之前佢一向被指冇身材，係好女友中唯一嫌棄既一點，依家突然發育仲勁過唔少原本好好身材既同事，究竟有咩秘訣架呢？
譚嘉儀
譚嘉儀呢套粉紅色晚裝配埋粉紅色頭好靚！我諗佢係特登想帶出自己喺《降魔的》裡面莉莉呢個精靈角色，所以整到自己咁夢幻。不過最正係估唔到佢身材原來好好，完全係禾稈冚珍珠呀。
馮盈盈
馮盈盈既桃紅色晚裝冇上次咁好睇，個頭又冇特別set。佢都係襯啲有仙氣啲既look，行成熟路線唔啱佢。
王君馨
自從結婚之後佢愈來愈型，之前扮曬盜墓者羅拉咁，又試過著到成身金屬色，好搖滾。今次佢都係梳左all back頭，搽紫色唇，不過中門大開，多左啲女人味，成個女王feel出曬黎。呢件晚裝都幾特別又有型，啱曬佢喺《心理追兇》擁有反社會人格障礙既江海澄呢個角色。
高海寧
雖然冇sell豪乳，但銀色掛頸晚裝夠曬sharp，只係有啲MK，令我諗起香港女團FFX。
陳敏之
我睇唔慣佢將頭髮梳曬去後面，成個人老左十年咁，件衫幾靚都無補於事，其實照返平時咁長曲髮就最靚最嫵媚啦。仲有佢明明係長腿天后，次次盛宴都收埋係咩意思？我地有限奶令唔係限腿令喎。
請按此登錄後留言。未成為會員? 立即註冊