其實講野個個唔明又有咩好怕,阿嬌同男友怕醜親密照公開!

純情跟蹤狂 於 11/11/2017 發表 收藏文章
近日阿嬌鍾欣潼、阿Sa蔡卓妍同Joey容祖兒開live解釋之前兩次做訪問既金句,證明自己係有傻笑,但根本冇隊草同答未所問,只係縮短想講既野而大家又一時間聽唔明咁姐。其實計我話阿嬌就算幾語無倫次、幾都好,佢男朋友賴弘國聽得明咪得!

今日明明係光棍節,應該比單身狗輕鬆下既一日,但阿嬌竟然無視單身狗既心情,同男朋友蜜遊夏威夷。不過阿嬌咁難得又咁幸運搵到另一半,光棍節都曬就由得佢啦。見到男朋友係咁幫佢攞曬角度影靚相真係好幸福,最後仲挨住男朋友心口添,曬到大家兩隻眼只係見到一面白色,羨慕死人。

▼阿嬌上身衫有啲透,清楚睇到裡面白色既bra


▼企喺海邊放閃,人靚景又靚


雖然有人唔睇好呢段感情,覺得佢男朋友點都會介意阿嬌既舊事,不過男朋友公開講到明佢地打風都打唔甩。佢接受報紙訪問時候man爆咁話:「我的工作很忙,平均一個月有半個月到處飛,所以很珍惜跟她在一起的時間。對於過去那一段失敗的婚姻,全因自己不夠成熟.....她是很好的女生,也是我想認真走下去的對象」

由段說話睇黎,大家暫時唔使擔心新男朋友對阿嬌係玩玩下既,我估阿嬌自己都識睇人既....應該。同埋男朋友成日幫住阿嬌、又有型、又大隻、又靚仔,唔似得之前K先生咁。你睇佢影相都識攬實阿嬌條腰,就知佢地喺大家心目中既地位吧。


阿嬌份人喺娛樂圈的確比較少見,可能因為身為藝人又奇奇怪怪先會比網民嘲笑,但如果佢只係個普通女仔,我諗大家都唔覺得佢有咩問題。加上大部份人都係覺得佢講野好好笑先講佢,唔係真心想鬧既,話曬阿嬌唔細,大家都開始手下留情了。對於阿嬌同fans黎講,無疑係件好事。

情路崎嶇既阿嬌終於搵到好男人,衷心祝福佢地兩個可以永遠喺埋一齊,咁就有男人保護阿嬌喇。

留言


請按此登錄後留言。未成為會員? 立即註冊
    快捷鍵:←
    快捷鍵:→