識揀一定揀中女好過後生女！霞姐呢種就係一個好例子 精選 推薦

如果比你揀後生女定中女，我諗好多人都會揀後生女，因為青春就係女人既最大本錢嘛.....如果你咁諗咪out囉，女人最大既本錢會喺40歲之後先爆發，嗰種看穿世事既女人味，唔係後生女嗲下你買2個袋、喺屋企hea下就可以擁有，霞姐楊卓娜就係一個好例子。

40歲既女人有咩好？

▼如果好似楊卓娜keep得咁好梗係正


▼好識點樣電男人


如果佢地keep得好，嗰個身體狀態可以同20歲既女仔差唔多，但心態上就成熟好多，唔會再係咁幼稚。佢地唔會要你買包包，因為佢地自己有能力買；唔會要你買樓，因為佢地自己租左屋住；唔會要求你好靚仔，因為更靚仔既都見過曬；唔會要你半夜傾電話，因為佢地要早啲訓；唔會想食甜品、放題，因為要保持健康。
出街中女可能好正常，但返到屋企先係如狼似虎既時候，唔使你主動佢地已經識做。之後你慢慢去完廁所，出到黎可能仲有碗番薯糖水食添。在外係一個女強人，你唔需要擔心佢識唔識處理人際關係；在家係一個小女人，賢淑到不行。




你有困難嗰陣邊個可以幫到你，仲可以照顧自己？唔少後生女啱啱畢業，仲諗緊去邊度旅行，冇諗過將來既時候，中女對於未來已經有一定規劃。你唔使成日哦佢：「你今個月又冇錢要問我借呀？」，佢地自己有儲開一筆錢，甚至有投資，必要時仲可以反過黎幫你。如果你失意既時候佢真係會明白你既感覺，再大既風浪都見過，中女會安慰而唔係埋怨你唔識自己面對。當然呢啲唔係後生女既錯，只係年齡未到，所以唔知道前路應該點行。

最後有兩樣野要注意： (戴返個頭盔先)

中女對生活質素比較有要求，所以食野唔再係M記譚仔，佢地係就係會比返自己嗰份錢，但你都要夠錢比返自己嗰份啊。你估食中女唔使代價架？！如果可以換到成熟體貼既女人，咁花多少少錢喺食野上面，都唔係好難頂既事黎既。
同埋唔係所有後生女都係咁樣架！！！！有啲心態上好似40歲既女人咁，呢啲仲正過真實年齡40歲既女人，但係要搵到有咁既條件，你起碼都要有咁上下條件先追到，否則只會比人嫌棄你太幼稚。相對地，唔係所有中女都咁好，都有部份仲好似細路女咁要人湊，日日ff可以同明星拍拖，患上末期公主癌，嗰啲就唔使理啦，由佢地自生自滅或者有日諗通先算。

溫馨提示，如果你話你只係想柴娃娃戀愛，兩個人hea下又一日既拍拖摸式，咁梗係後生女啱你多啲啦！


有利就有弊，無論揀左後生女定中女拍拖都要好好對待佢，因為....

「大多幾歲 你會想搵返個情侶
老土D講一句 唔係有心就唔好追佢
你諗下佢流嘅眼淚
傷害佢 將來佢 唔再相信愛
你仲點過意得去
愛情係好玩但係唔好玩愛情
你一個唔小心 可能會影響佢一世人
我係過來人 我做錯 咪學我 再做錯 因此我」

偉大航道—農夫 (Fama)