林頴彤好憎吳若希!?深夜被網民發現like「臭雞」之留言

純情跟蹤狂 於 14/10/2017 發表 收藏文章
林頴彤唔通好憎吳若希?琴晚吳若希喺Instagram上載《終極街頭魔法王》出席宣傳活動既相,證明佢冇完全退出幕前喎,節目新一輯又回歸喇!網民對民個消息似乎唔係幾中意,不過仲有一個人,佢既出現令大家都好驚訝!呢個人就係林頴彤!因為喺云云留言裡面有個hater鬧吳若希「臭雞」,當中有一個讚好,而呢個讚好竟然出自林頴彤!?



據大家所知,林頴彤一直都係乖乖女形象,就算有身材都一直著幾保守既衫。另外,佢參演既劇集都係可憐既小妹妹角色,甚至連佢本人細個都同媽媽相依為命,試過冇野食既日子,終於捱過黎成為無線藝人。


而吳若希就完全相反,唔係話佢唔乖,只係比網民既形象係180°相異。除左因為「點解既?真係架?」又高又尖既台詞比人詬病之外,啲人仲話吳若希只係為左釣金龜.....當然呢啲我唔評論,佢亦有一班忠粉仍然支持自己吧。後來佢泊到個好碼頭,同澳門富二代造人,生埋bb,近日終於結婚喇。


本來兩個人完全冇關係,但就喺兩個月前林頴彤宣佈:「衷心感謝老闆Herman何哲圖給我機會去追夢,感謝您相信我潛在既可能性,給我信心,帶領著我走未來的路。我亦相信自己!珍惜得來不易的機會,用行動來證明給大家看,未來會有一個全新的我逐漸呈現於大家眼前。」佢話自己今個月都25歲,係時候比自己多條路發展,所以加盟星夢娛樂做埋歌手。林頴彤同何雁詩、菊梓喬、胡鴻鈞等同公司,更重要係有可能影響吳若希一姐地位。而林頴彤早前就接受東方日報訪問,講明冇爭地位既慾望,反而想自己學多啲野先。

引用記者:有冇信心上位做一姐?
林:嘩!唔會咁諗,Jinny係我師姐,即將返嚟,我嘅野心唔係地位上,係要做好每件工作。

如今林頴彤like左「臭雞」留言喺網上引起好大話題,比人發現認真失策,未知一向負面留言大反應既吳若希會有咩行動呢?起林頴彤底?應該唔會吖,佢係藝人大家都知佢既背景。定係爆佢料?但佢有咩料可以爆呀,平時咁守規矩...諗深一層,其實可能林頴彤唔小心撳到,如果唔係點會隔左咁耐都未dislike返吖,照佢性格都應該怕比老闆同網民睇到,唔會冒咁大既險。

總而言之,兩個人既恩怨仲未明,希望林頴彤早日發現同埋澄清下啦,否則呢個不和傳言一定不逕而走。

留言


請按此登錄後留言。未成為會員? 立即註冊
    快捷鍵:←
    快捷鍵:→