【有片】原來和聲beat都唔係最尷尬，港大何東先係神級 精選 推薦

大學一向有Dem beat傳統，目的係....我都講唔出目的係咩，我諗係令到學生更加團結同埋用於內閣宣傳咁樣 (好彩小編以前係唔使dem beat)？總之Dem Beat嗰陣一隊人會埋同一款衫，多數係營衫/會衫，一齊大嗌Beat詞，適當既時候會加埋拍手踏地增加聲勢。Dem Beat啲詞都幾講究，必須要押韻同埋有節奏，突出想宣傳既內容。


而N年前中文大學既和聲學院出左個beat就成為左大家心目中既膠中之霸，其中幾句「我地一齊dem返個和聲beat好唔好呀？和盡天地風雲之聲，環抱山水日月之景」簡直係大家既童年回憶。不過大學生當然唔怕比人笑啦，於是每年都有個比起和聲更加厲害既beat出現，近日香港大學何東夫人紀念堂喺2010年既片竟然比人搵返出黎笑，尷尬程度直迫10粒星，睇完唔打冷震就出奇。所以和聲真係算係咁，起碼都叫有啲氣勢。


▼網民批評學生令同學好丟架，似紅衛兵步操，而且啲詞改得唔好


Dem beat歌詞：
「所謂何東精神 就係團結
我地何東姊妹 自成一族
不但精明能幹 做野爽快我地會煮糖水 又會煲粥
入左Kong u 就想住何東
入左何東就至醒目
問妹何所欲 問妹幾時申請入宿
問妹何所欲 問妹幾時新入宿」

▼動作指地，兼舉雙V


雖然啲歌詞騎騎呢呢，動作又過份齊整、怪誕，但係佢地既熱情同埋對Hall既喜愛都好值得鼓勵既，人生唔柒過又點算係人生呢？相信第日睇返呢條片大家都會相視而笑，然後開始講返「係囉，嗰陣叫你唔好改埋啲咁既詞...」、「嘩你睇下你自己個樣....」、「呀左邊第三個女仔依家做緊咩呢？...」，都算有個難忘既回憶、青春既象徵吧...........(呃，我自己說完自己也想笑)

原片傳送門：


呢個時候好想講一句：青春，真可愛青春，珍惜你光陰似金！！無論個Dem Beat有幾搞笑，佢地背後付出既努力都係真既。

(圖片來源：MEMO子、巴打絲打Facebook Club)